نیویارک: امریکی صدر ڈونلڈ ٹرمپ کی ملکیت ٹرمپ ٹاور میں آگ بھڑک اٹھی، جس سے نیویارک میں سراسیمگی پھیل گئی۔
تازہ ترین اطلاعات کے مطابق 58 منزلہ ٹرمپ ٹاورکی چھت پرشارٹ سرکٹ سےآگ لگی ہے اور فائر بریگیڈ کاعملہ آگ بجھانے میں مصروف ہے۔
واضح رہے کہ متاثرہ ٹاورامریکی صدرڈونلڈٹرمپ کی ملکیت ہے اور ان کے کاروباری نظام میں مرکزی حیثیت رکھتا ہے۔ ان کے ریالٹی شو کا مرکز بھی یہی عمارت ہوا کرتی تھی۔
یہ بھی پڑھیں: کم جونگ ان سےبات چیت کےلیےتیار ہوں‘ ڈونلڈ ٹرمپ
امریکی چینلز سے نشر ہونے والی خبروں میں فائر فائٹرز کو عمارت کی چھت پر آگ بجھاتے ہوئے دیکھا جاسکتا ہے۔ خبروں میں اس کثیر المنزلہ عارت سے دھواں اٹھتے ہوئے نظر آرہا ہے۔
ابتدا میں اس آگ سے متعلق کئی افواہیں گردش کر رہی تھیں، تاہم اب کہا جارہا ہے کہ یہ آگ شارٹ سرکٹ سے لگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
