The news is by your side.

فیصل آباد میں پی ٹی آئی کے دھرنے پر نامعلوم افراد کی فائرنگ

فیصل آباد میں ڈی ٹائپ پل کے مقام پر چیئرمین تحریک انصاف عمران خان پر قاتلانہ حملے کے خلاف جاری دھرنے پر نامعلوم افراد نے فائرنگ کر دی۔

پی ٹی آئی راہنما ابوبکر نے بتایا کہ جیپ میں سوار حملہ آور دھرنے پر فائرنگ کرنے کے بعد فرار ہوگئے، دھرنے میں فرخ حبیب اور ایم پی اے میاں وارث بھی موجود ہیں۔

ابوبکر نے بتایا کہ حملہ آور فائرنگ کرنے کے بعد وزیر داخلہ رانا ثنا اللہ کے ڈیرے کی طرف فرار ہوئے، پولیس کہیں اور سے ہدایات لے رہی ہے۔

دھرنے پر نامعلوم افراد کی فائرنگ سے اب تک کسی جانی نقصان کی اطلاع موصول نہیں ہوئی۔

خیال رہے کہ عمران خان پر قاتلانہ حملے کے بعد پی ٹی آئی کے کارکن نے فیصل آباد میں رانا ثنا اللہ کی رہائش گاہ کے باہر مظاہرہ اور توڑ پھوڑ کی تھی۔

Comments

یہ بھی پڑھیں