The news is by your side.

Advertisement

لیاری میں گاڑی پر فائرنگ، غیر ملکی سمیت دو افراد زخمی

کراچی: کراچی کے علاقے لیاری میں ناخوشگوار واقعہ پیش آیا ہے، جہاں گاڑی پر فائرنگ کے نتیجے میں غیر ملکی سمیت دو افراد زخمی ہوگئے ہیں۔

ریسکیو ذرائع کے مطابق فائرنگ کا واقعہ لیاری کے علاقے کمیلہ اسٹاپ پر پیش آیا، فائرنگ ایک گاڑی پر کی گئی، جس کے نتیجے میں گاڑی میں سوار غیر ملکی سمیت دو افراد زخمی ہوگئے ہیں، فائرنگ کے باعث گاڑی کے شیشے ٹوٹ گئے اور علاقے میں خوف وہراس پھیل گیا۔

ابتدائی اطلاعات کے مطابق فائرنگ سے زخمی ہونے والا غیر ملکی چینی شہری ہے۔

واقعے کی اطلاع ملنے پر قانون نافذ کرنے والے ادارے فوری طور پر جائے حادثے پر پہنچے اور زخمیوں کو طبی امداد کےلئے قریبی اسپتال منتقل کیا، اور فائرنگ کے محرکات جاننے کے لئے سرچ آپریشن شروع کردیا ہے۔

فائرنگ کے واقعے کے بعد ایس ایس پی سٹی سرفراز نواز نے اے آروائی نیوز سے گفتگو کرتے ہوئے بتایا کہ فائرنگ سے زخمی غیر ملکی شہری سندھ سالڈ ویسٹ سے تعلق رکھتا ہے جو آج اپنے عملے کے ساتھ لیاری کے دورے پر نکلا تھا۔

ایس ایس پی سٹی کے مطابق موٹر سائیکل پر سوار دو نامعلوم مسلح ملزمان نے اب پر فائرنگ کی، فائرنگ سےگاڑی کے شیشے ٹوٹ گئے جبکہ غیرملکی زخمی ہوا، گولی لگنے سے ایک راہگیر بھی زخمی ہوا ہے، جائے وقوع سے نائن ایم ایم کے خول ملے ہیں۔

Comments

یہ بھی پڑھیں