The news is by your side.

Advertisement

پولیس تشہیری مہم سے آگاہی کے باوجود پڑھے لکھے نوجوانوں نے قانون ہاتھ میں لے کر اپنا مستقبل برباد کر دیا

کراچی: سال نو پر سولجر بازار میں 3 طالب علموں کی ہوائی فائرنگ کے واقعے کی ویڈیو اے آر وائی نیوز نے حاصل کر لی۔

تفصیلات کے مطابقپولیس تشہیری مہم سے آگاہی کے باوجود پڑھے لکھے نوجوانوں نے قانون ہاتھ میں لے کر اپنا مستقبل برباد کر دیا، سال نو پر پولیس نے سولجر بازار میں تین طالب علموں کو گزشتہ رات فائرنگ کرتے ہوئے گرفتار کیا تھا، گرفتاری کی ویڈیو سامنے آ گئی ہے۔

گرفتار ملزمان میں ایک گریجویٹ اور 2 میٹرک کے طلبہ ہیں، پولیس حکام کا کہنا ہے کہ اس واقعے کی وجہ سے تینوں طالب علموں کا کرمنل ریکارڈ بن گیا ہے، اب یہ نوجوان بیرون ملک بھی آسانی سے سفر نہیں کر پائیں گے۔

ادھر گرفتار ملزمان نے اے آر وائی نیوز سے گفتگو کرتے ہوئے شدید پشیمانی کا اظہار کیا، استفسار پر طلبہ کا کہنا تھا کہ ہم نے پولیس کی تشہیری مہم دیکھی تھی لیکن ہم سے بڑی غلطی ہوگئی، ہمیں اس پر بڑا پچھتاوا ہے۔

پولیس حکام کا کہنا ہے کہ گرفتار طالب علموں کے خلاف اقدام قتل اور سندھ آرمز ایکٹ کے تحت مقدمہ درج ہوا ہے، ملزمان سرکاری یا پرائیویٹ نوکری بھی مشکل سے حاصل کر سکیں گے ، جہاں جائیں گے یہ کرمنل ریکارڈ ان کا پیچھا کرے گا۔

Comments

یہ بھی پڑھیں