The news is by your side.

Advertisement

بیوی کو چلتی بائیک سے اتار کر گولی مار دی، ملزم گرفتار

کراچی : پاور ہاؤس چورنگی پر بیوی کو گولی مارنے والے واقعے کی ویڈیو سامنے آگئی، ملزم کی بیوی ناراض ہوکر بھائی کے گھر گئی تھی جسے وہ واپس لا رہا تھا۔

تفصیلات کے مطابق کراچی کے علاقے پاور ہاؤس چورنگی کے قریب بیوی کو چلتی موٹرسائیکل سے اتار کر دو بچوں کے سامنے گولی مارنے کا واقعہ کی وڈیو سامنے آگئی۔

جائے وقوعہ پر بننے والی موبائل ویڈیو میں دیکھا جاسکتا ہے کہ واردات کے بعد وہاں موجود لوگوں نے ملزم کو رنگے ہاتھوں پکڑ کر مددگار ون فائیو پولیس کے حوالے کردیا۔

ایس ایس پی سینٹرل کے مطابق مذکورہ خاتون اپنے شوہر سے ناراضگی کے بعد کچھ دنوں سے بچوں کے ساتھ اپنے بھائی کے گھر پر رہ رہی تھی، ملزم کامران اس کو منا کر واپس لا رہا تھا۔

اس حوالے سے ذرائع کا کہنا ہے کہ دونوں میاں بیوی بچوں کے ساتھ موٹر سائیکل پر گھر جارہے تھے کہ گفتگو کے دوران دونوں میں پھر تلخ کلامی ہوگئی تو ملزم کامران نے فرحانہ کو بائیک سے اتارا اور اچانک پستول نکال کر اس کے سینے میں گولی مار دی۔

نمائندہ اے آر وائی نیوز نذیر شاہ کے مطابق زخمی خاتون کو فوری طور پر اسپتال منتقل کیا گیا جہاں اب اس کی حالت خطرے سے باہر بتائی جارہی ہے، زخمی فرحانہ نے اپنے شوہر کیخلاف اقدام قتل کا مقدمہ درج کرا دیا ہے۔

Comments

یہ بھی پڑھیں