لندن : برطانیہ میں جرائم پر قابو پانے کے لئے میٹرو پولیٹن پولیس کی سربراہ کے عہدے پر خاتون کو تعینات کردیا گیا ہے جو برطانیہ میں ایک سو اٹھاسی سال بعد بہ طور خاتون چیف پولیس کمشنر تعینات ہونے والی پہلی خاتون بن گئی ہیں۔
تفصیلات کے مطابق برطانیہ میں ایک سو اتحاسی سال کے بعد کسی خاتون کو پولیس کا سربراہ مقرر کیا گیا ہے اور یہ اعزاز کریسٹا ڈک نامی خاتون کے حصے میں آیا جنہیں آج کمشنر میٹرو پولیٹن پولیس کا عہدہ سونپا گیا ہے۔
On behalf of all Londoners I warmly welcome Cressida Dick as the new Commissioner of @metpoliceuk. I look forward to working with her. pic.twitter.com/LE72TJqFBk
— Sadiq Khan (@SadiqKhan) February 22, 2017
انسداد دہشت گردی کی تجربہ کار افسر کریسٹا ڈک اس سے پہلے بھی پولیس محکمے کے لیے مختلف عہدوں پر اپنی خدمات انجام دیتی رہی ہیں اور میٹرو پولیٹن پولیس کی سربراہی ملنے کے بعد مسرت کا اظہار کرتے ہوئے کہا کہ نئی ذمہ داریوں کو پوری ایمانداری اور مہارت سے نبھاؤں گی۔
اسی سے متعلق : پاکستانی نژاد صادق خان لندن کے پہلے مسلمان میئرمنتخب
نوجوان میئر لندن صادق خان جو عہدہ سنبھالنے کے بعد سے نہایت متحرک نظر آرہے ہیں اور اپنے نظریات اور انفرادی سوچ کے تحت نئے تجربات کر رہے ہیں اور میٹرو پولیٹن پولیس کے کمشنر کے لیے خاتون کا انتخاب بھی میئر صادق خان نے ہی کیا ہے۔
میئر لندن کی سفارش پر ملکہ برطانیہ نے کریسٹا ڈک کیی بہ طور کمشنر میٹرو پولیٹن پولیس تعیناتی کی سمری پر دستخط کر دیے ہیں جب کہ موجودہ مکمشنر پولیس کو اگلے عہدے پر ترقی دے دی گئی ہے۔
