The news is by your side.

Advertisement

دبئی، 5 افراد کی 16 سالہ لڑکے سے زیادتی، ملزمان گرفتار، مقدمہ درج

دبئی: متحدہ عرب امارات کی ریاست دبئی میں 5 افراد نے 16 سالہ لڑکے کو زیادتی کا نشانہ بنا ڈالا اور مذکورہ واقعے کی ویڈیو بنا کر لڑکے کو بلیک میل کرتے رہے۔

عرب میڈیا کے مطابق پانچ اماراتی شہریوں کو 16 سالہ لڑکے سے دبئی کے ایک ویلا میں لے جاکر زیادتی کا نشانہ بنانے پر دبئی کی عدالت میں پیش کیا گیا، ملزمان کی عمریں 19 سے 25 سال کے درمیان ہیں۔

پراسیکیوٹر کے مطابق پانچ اماراتی نوجوانوں نے 16 سالہ لڑکے کو گاڑی سکھانے کے بہانے ایک ویلا میں لے جاکر اسے زیادتی کا نشانہ بنایا۔

زیادتی کا نشانہ بننے والے لڑکے کے مطابق میں نے اسنیپ چیٹ پر ملزم سے رابطہ کیا اور اس سے درخواست کی کہ وہ مجھے گاڑی چلانا سکھا دے جس پر اس نے مجھے صبح سوا چھ بجے آنے کا کہا تھا۔

مزید پڑھیں: دبئی میں ایک شخص نے خاتون کو زیادتی کا نشانہ بنا ڈالا

متاثرہ شخص کا کہنا ہے کہ ملزم نے مجھے اپنے چار دوستوں کے ساتھ گھر سے لیا اور گاڑی سکھانے کے بہانے ایک بنگلے میں لے گئے اور چاقو سے ڈراتے اور دھمکاتے رہے اور 8:30 بجے کے قریب مجھے گھر چھوڑ گئے۔

متاثرہ لڑکے کے مطابق میں واقعے کے بعد اسکول گیا لیکن میرے ساتھ بیتے افسوسناک واقعے کے بارے میں کسی کو کچھ نہیں بتاسکا، ملزمان نے دھمکی دی تھی کہ اگر کسی سے کچھ کہا تو ویڈیو سوشل میڈیا پر شیئر کردیں گے۔

انہوں نے کہا کہ میں نے وقوعہ کے دوسرے روز رات کو اپنے بھائی کو واقعے کے بارے میں سب کچھ بتادیا جس کے بعد والدین نے پولیس میں شکایت درج کرائی۔

پولیس نے ملزمان کو ان کے گھروں پر چھاپہ مار کر حراست میں لے لیا اور تفتیش کے بعد عدالت میں پیش کیا جہاں مقدمے کی سماعت 4 اگست تک ملتوی کردی گئی۔

Comments

یہ بھی پڑھیں