The news is by your side.

Advertisement

ڈی آئی خان میں پولیس موبائل پرفائرنگ‘ ایس ایچ او سمیت 5 اہلکار شہید

ڈیرہ اسماعیل خان : صوبہ خیبرپختونخواہ کے شہر ڈیرہ اسماعیل خان میں پولیس موبائل پر فائرنگ سے ایس ایچ او سمیت 5 پولیس اہلکار شہید جبکہ 2 افراد زخمی ہوگئے۔

تفصیلات کے مطابق ڈیرہ اسماعیل خان میں تھانہ پروآکی حدود میں انڈس ہائی وے کے قریب پولیس موبائل پرفائرنگ کے نتیجے میں ایس ایچ او طاہرنواز سمیت 5 اہلکار شہید ہوگئے۔

واقعے کے فوری بعد قانون نافذ کرنے والے اداروں کی مزید نفری جائے وقوعہ پر پہنچی اور سرچ آپریشن کا آغاز کردیا۔

ریسکیو حکام کا کہنا ہے کہ فائرنگ کے واقعے میں 2 راہگیر زخمی ہوئے جنہیں طبی امداد کے لیے ڈی ایچ کیو اسپتال منتقل کردیا گیا۔

پولیس حکام کے مطابق شہید ہونے والوں میں ایس ایچ او طاہر نواز، کانسٹیبل سرفراز، میرباز، آصف اور ڈرائیور جاوید شامل ہیں۔

بنوں میں گھر کے اندر دھماکا، میاں بیوی سمیت 6 افراد جاں بحق

رواں سال جنوری میں صوبہ خیبرپختونخوا کے جنوبی ضلع بنوں میں ایک گھر کے اندر ہونے والے دھماکے کے نتیجے میں میاں بیوی سمیت 6 افراد جاں بحق ہوگئے تھے۔

چارسدہ میں فائرنگ سے 4 افراد جاں بحق

یاد رہے کہ گزشتہ سال 30 اکتوبر کو صوبہ خیبرپختونخواہ کے شہر چارسدہ میں ملزم نے فائرنگ کرکے ماں سمیت 4 افراد کو قتل کردیا تھا۔

واضح رہے کہ 22 اپریل 2014 کو خیبرپختونخواہ کے شہر پشاور میں نامعلوم ملزمان کی جانب سے پولیس موبائل پر فائرنگ کے نتیجے میں 5 اہلکار شہید ہوگئے تھے۔

Comments

comments

یہ بھی پڑھیں