اٹلی:عوام ریفرنڈم کےذریعےحکمرانوں کومستردکردینگے،بیپی گریلو -
The news is by your side.

Advertisement

اٹلی:عوام ریفرنڈم کےذریعےحکمرانوں کومستردکردینگے،بیپی گریلو

روم : اٹلی میں حزب اختلاف کے رہنما اور فائیواسٹار تحریک کے بانی بیپی گریلو کا کہنا ہے کہ 4دسمبر کے تاریخ ساز ریفرنڈم میں عوام حکو مت کےخلاف اپنا فیصلہ سنادیں گے۔

تفصیلات کےمطابق اٹلی کے شہر ٹورین میں وزیراعظم ماتیورینزی کےخلاف نکالی جانے والی ریلی کے شرکاء سے خطاب میں فائیواسٹار تحریک کے بانی بیپی گریلو کا کہنا تھا کہ عوام چار دسمبر کو تاریخ ساز ریفرنڈم کے ذریعے حکمرانوں کی ناقص پالیسیوں کےخلاف فیصلہ سنادیں گے۔

حزب اختلاف کے رہنمابیپی گریلوکا کہناتھاکہ عوام کا ٹھاٹیں مارتا سمندر اس بات کا گواہ ہے کہ ہم ہارے یاجیتے وزیراعظم کی تبدیلی اب ناگزیر ہے۔

فائیواسٹار تحریک کے بانی بیپی گریلوکا کہنا تھا کہ حکومت کی تبدیلی سےہی عوام خوشحال اور ملک معاشی طور پر ترقی کرے گا۔

مزید پڑھیں:ورجینیا راگی روم کی پہلی خاتون میئر منتخب

یاد رہے کہ رواں سال اٹلی میں ہونے والے میئر شب کے انتخابات میں اٹلی کے وزیراعظم اورڈیموکریٹک پارٹی کےسیکرٹری ماتیورینزی کو بڑا دھچکا اس وقت لگاتھا جب فائیواسٹارموومنٹ کی امیدوار ورجینیا راگی روم کی پہلی خاتون میئر بن گئی تھیں۔

فائیواسٹارموومنٹ کی امیدوار ورجینیا راگی روم کی تاریخ میں دوسو پچاس سالوں بعد خاتون میئر منتخب ہوئی تھیں۔

واضح رہے کہ چاردسمبر کے ریفرنڈم میں اطالوی وزیراعظم اگر اکثریت حاصل کرنے میں ناکام رہےتوانہیں گھرجانا ہوگا۔

Comments

comments

یہ بھی پڑھیں