دبئی: دنیا کے 5 ممالک نے متحدہ عرب امارات کے شہریوں کے لیے ویزہ مفت کردیا ہے۔ فی الحال یہ نہیں بتایا گیا کہ یہ پیشکش مستقل ہے یا کسی خاص مدت کے لیے، تاہم اس سہولت کی بدولت امارات کے شہری رواں برس اپنی موسم گرما کی تعطیلات کو نہایت شاندار بنا سکتے ہیں۔
دنیا میں دیکھنے کو یوں تو بہت سے ایسے مقامات ہیں جو دل کو لبھاتے ہیں‘ آپ متحدہ عرب امارات کے رہائشی ہیں اور دنیا کے خوبصورت مقامات کی اپنے دوستوں یا اہل خانہ کے ساتھ سیر کرنا چاہتے ہیں تو یہ پانچ ملک ایسی ہیں جہاں جانے کے لیے آپ کو ویزہ کی بھی ضرورت نہیں ہے۔
اگر آپ سوچ رہے ہیں کہ فہرست متحدہ عرب امارات کے ہی مختلف ریاستوں یا مقامات پر محیط ہے تو ایسا ہرگز نہیں بلکہ ہم آپ کو ایسے پانچ ممالک کے بارے میں بتائیں گے جو خوبصورت بھی ہیں اور جس کے لیے رہائشیوں کو ویزہ کی بھی کوئی ضرورت نہیں ہے۔‘ امارات کے شہری فہرست میں شامل ان ممالک کی سیر صرف 2000 درہم میں کرسکتے ہیں جس میں ویزے مفت ہے۔
آئیے آپ کو ان ملکوں کی سیر کراتے ہیں۔
سیچیلیس
سیچیلیس مشرقی افریقہ میں واقع دنیا کے ان خوبصورت ممالک میں ایک ہے جس کے بارے میں عموماً سیّاحوں کو آگاہی کم ہے البتہ قدرتی حُسن سے مالامال ہے ۔ اگر آپ یو اے ای کے رہائشی ہیں اور اپنی چھٹیوں کو یادگار بنانا چاہتے ہیں تو فقط 1،699درہم خرچ کرکے سیچیلیس کا سفر اختیار کریں۔ ان پیسیوں میں ویزے کی فیس شامل نہیں ہے۔
جارجیا
مشرقی یورپ اور مغربی ایشاء کے درمیان سنہ 1991 میں سویت یونین سے علیحدہ ہونے والا ملک جارجیا ہے، جس کا موسمِ گرما بھی ایسا دلکش ہوتا ہے جو متحدہ عرب امارات کے شہریوں کو دبئی کی سردی یاد دلا دے۔ جارجیا کی حکومت نے بھی یواےای کے رہائشیوں کے لیے ویزہ مفت کردیا ہے۔ آپ جارجیا کے دارالحکومت تبلیسی کی سیر کو جائیں تواس کے اِردگِرد کی حِسین وادیوں کی سیرآپ کی چھٹیوں مزید شاندار بنادے گی۔
مالدیپ
مالدیپ ایسا ملک ہے جو 1192 جزایر پر مشتمل ہے اور متحدہ عرب امارات کے سیّاحوں میں اپنی قدرتی حسن کے باعث کافی مقبول بھی ہے اور کیوں نا ہو مقبول؟ خوبصورت جزئرے اس کی خوبصورتی کی ضمانت ہیں جو سیّاحوں کی شام دلکش و یادگار بنا دیتے ہیں۔
آذربائیجان
آذربائیجان کی حکومت نے بھی متحدہ عرب امارات کے لوگوں کو بغیر ویزہ سیّاحت کے مواقع فراہم کرروارہی ہے۔ یو اے ای سے دنیا کے سفر کو جانے والے سیّاح صرف 1،999 درہم میں آذربائیجان کے خوبصورت شہروں کی سیّاحت کرکے گرمیوں کی چھٹیوں کا مزہ لے سکتے ہیں۔
موریشس
جی ہاں ! یہ سچ ہے کہ موریشس نے بھی متحدہ عرب امارات کے لیے وہزہ مفت کردیا ہے، سیّاحوں کے لیے اس ملک میں حِسین وادیاں، قدرتی آبشار اور دل کو لُبھانے والے بے تحاشا دلکش نظارے اور مقامات ہیں جو آپ کی چھٹیوں کو یادگار بنا دیں گے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
