بیت المقدس: غزہ پر اسرائیل کی خوفناک بمباری سے خوف کا شکار ہوکر ننھا فلسطینی بچہ جاں بحق ہوگیا ہے۔
غیر ملکی میڈیا رپورٹ تمیم داؤد نامی بچہ دل کے عارضے میں مبتلا تھا، یہ ان شہدا میں شامل ہے جو اسرائیلی بربریت میں جاں بحق ہوئے، صہیونی فورسز کی کارروائیوں میں چالیس سے زائد فلسطینی زخمی بھی ہوئے تھے۔
داؤد تمیم کی والدہ نے مقامی میڈیا کو اپنی درد ناک داستان سنائی کہ میرے پانچ سالہ بیٹے کا علاج بہتر چل رہا تھا اور وہ بحالی کی جانب گامزن تھا وہ اسکول جا رہا تا کہ اس پر گھبراہٹ کا حملہ ہوا۔
غم سے نڈھال تمیم کی والدہ نے بتایا کہ منگل کی شام جب غزہ پر صہیونی فورسز کی جانب سے شدید حملہ کیا گیا تو داؤد پر شدید خوف و ہراس کا حملہ ہوا ،اسے فوری طور پر اسپتال لے جایا گیا جہاں ڈاکٹرز نے اسے آئی سو یو میں شفٹ کیا،ایک رات زندگی اور موت کے کشمکش میں رہنے کے بعد داؤد بدھ کے روز ہمیں روتا چھوڑگیا۔
غیر ملکی میڈیا رپورٹ کے مطابق ڈاکٹرز نے بتایا کہ داؤد کا دل خوف برداشت نہیں کرسکتا تھا۔
واضح رہے کہ گذشتہ ایک ہفتے سے جاری اسرائیلی جارحیت کے نتیجے میں اب تک 40 سے زائد فلسطینی شہید ہوچکے ہیں۔
