بھارت کی شمالی ریاستوں میں بارشوں نے تباہی مچادی، 25 افراد ہلاک monsoon burst in india
The news is by your side.

Advertisement

بھارت کی شمالی ریاستوں میں بارشوں نے تباہی مچادی، 25 افراد ہلاک

نئی دہلی: بھارت کی شمالی ریاستوں میں شدید بارشوں نے تباہی مچادی جس کے نتیجے میں 25 افراد ہلاک اور متعدد زخمی ہوگئے۔

بھارتی میڈیا کے مطابق بھارت کے کئی ریاستوں میں شدید بارشوں کا سلسلہ جاری ہے جس کے باعث کئی ندی نالوں میں طغیانی آگئی ہے، بھارتی ریاست ہماچل پردیش، پنجاب اور ہریانہ میں سیلاب اور لینڈ سلائیڈنگ کے باعث 25 افراد ہلاک ہوگئے۔

سیلاب سے ہزاروں افراد متاثر بھی ہوئے ہیں اور کئی مکان سیلابی ریلے میں بہہ گئے ہیں، جبکہ بارش سے متاثرہ علاقوں میں ریسیکیو ٹیمیں امدادی کاموں میں مصروف عمل ہیں۔

بارش سے شمالی ریاستیں بری طرح متاثر ہوئی ہیں جس کے بعد متعدد اضلاع میں ہائی الرٹ جاری کردیا گیا ہے جبکہ کئی ریاستوں میں ریڈ الرٹ بھی جاری کیا گیا ہے۔

بھارت کے محکمہ موسمیات نے شمالی ہندوستان کے کئی علاقوں کے علاوہ ممبئی میں بھی موسلا دھار بارش کا امکان ظاہر کیا جارہا ہے۔

بھارتی وزارت داخلہ کے شعبے نیشنل ایمرجنسی رسپانس سینٹر کی جانب سے جاری اعدادوشمار کے مطابق مون سون بارشوں کے دوران اب تک کیرالہ میں سب سے زیادہ جانی نقصان ہوا ہے جہاں 187 افراد لقمہ اجل بن گئے جبکہ 171 افراد یوپی، 170 مشرقی بنگال، مہاراشٹر میں 139، گجرات میں 52 اور آسام میں 45 افراد جاں بحق ہوگئے ہیں۔

محکمہ موسمیات کے مطابق بھارت میں غیر معمولی بارشوں کی وجہ سے موسمی تغیر ہے، ماحولیاتی تبدیلیوں سے زمین کا درجہ حرارت ہی تبدیل نہیں ہورہا بلکہ موسموں کی ترتیب اور انداز پر مرتب ہورہے ہیں۔

Comments

comments

یہ بھی پڑھیں