لاہور : فلور ملز مالکان نے عوام کو سستے آٹے کی فراہمی کیلئے 20 کلو آٹے کے تھیلے کی قیمت میں انتہائی معمولی کمی کرکے حاتم طائی کی قبر پر لات ماردی۔
تفصیلات کے مطابق پاکستان فلور ملز ایسوسی ایشن کے وفد نے نگراں وزیراعلیٰ پنجاب محسن نقوی سے ملاقات کی۔
چیئرمین آل پاکستان فلور ملز ایسوسی ایشن عاصم رضا نے بتایا کہ وزیراعلیٰ پنجاب سے فلور انڈسٹری کو درپیش مسائل پر گفتگو ہوئی۔
- Advertisement -
ان کا کہنا تھا کہ20کلو آٹے کا تھیلا10روپے سستا کررہے ہیں، اب لاہور میں آٹا2750کی بجائے2740میں فروخت ہوگا۔
چیئرمین عاصم رضا نے بتایا کہ نگراں وزیراعلیٰ پنجاب آٹے کی قیمت میں معمولی کمی پر رضامند نہیں ہوئے، فلور ملز ایسوسی ایشن مشاورت کے بعد وزیراعلیٰ سے دوبارہ قیمت میں کمی پربات کرے گی۔
