دبئی: اماراتی ایئر لائن فلائی دبئی نے 11 انٹرنیشنل مقامات کے لیے ٹکٹ سستے کر دیے۔
تفصیلات کے مطابق فلائی دبئی نے موسم سرما کی آمد پر گیارہ شہروں کے لیے فضائی ٹکٹ سستے کر دیے ہیں۔
سیاحتی کلاس کے رعایتی ٹکٹ کی ابتدا 1105 درہم سے کی گئی ہے، الامارات الیوم کے مطابق فلائی دبئی نے اپنے نیٹ ورک پر رعایتی پیشکش کی تفصیلات جاری کر دی ہیں۔
نوٹس کے مطابق 31 اکتوبر تک بکنگ جب کہ سفر 15 دسمبر 2022 سے شروع کیا جا سکتا ہے، آرمینیا کے بریفان ایئر پورٹ کے لیے سیاحتی کلاس کا کرایہ 1105 اور بزنس کلاس کا ٹکٹ 3400 درہم میں ملے گا۔
فلائی دبئی کے مطابق باکو اور تبلیسی کے لیے 1200 درہم جب کہ بزنس کلاس کے لیے نرخ 6300 اور 6700 درہم مقرر کیے گئے ہیں۔
بیروت کے لیے 1650 اور بزنس کلاس کا کرایہ 4200 درہم، عمان کے لیے سیاحتی کلاس 1650 اور بزنس کلاس کا ٹکٹ 4400 درہم رکھا گیا ہے۔
سرائیو کے لیے 2300، زنجبار کے لیے 1550، سالسبرگ 2500 اور بیزا کے لیے 3 ہزار درہم میں ٹکٹ دستیاب ہوگا۔
