ماسکو: وزیر خارجہ شاہ محمود قریشی کا کہنا ہے کہ کوروناسےموثراندازمیں نمٹنے پرتجربات سےدنیاکو مستفیدکرنے کو تیار ہیں ، چین نےاس مشکل صورتحال سےنبردآزماہونے میں مالی اور تکنیکی مدد فراہم کی۔
تفصیلات کے مطابق وزیر خارجہ شاہ محمود قریشی نے ماسکومیں ایس سی او وزرائےخارجہ کونسل اجلاس سے خطاب کرتے ہوئے کہا حوصلہ افزا ہے کہ ممالک کورونا وبا کے اثرات سے نکل رہے ہیں ، کورونا نے انسانوں کی زندگیوں اور معاش کو بری طرح متاثر کیا اور خطرات اورمسائل سے مل کر لڑنے کی اہمیت کو دو چند کیا۔
شاہ محمود قریشی کا کہنا تھا کہ کٹھن حالات کے باوجود ایس سی او میں نفع مند اشتراک جاری رکھا ہے ، اشتراک روسی فیڈریشن کی قیادت میں یکجہتی اورتعاون کا مظہر ہے۔
وزیر خارجہ نے کہا کہ ایس سی او کے اپنے قیام کے 20سال مکمل ہورہےہیں، علاقائی تعاون کےفروغ سےدرپیش بحران نئے امکان میں بدل سکتے ہیں۔
ان کا کہنا تھا کہ مئی اور جولائی میں وزرائے خارجہ وصحت کاورچوئل اجلاس ہوا، کثیر ملکی،فیصلہ کن اور اشتراک پرمبنی کاوشوں کی ضرورت اجاگرکرتے ہیں، صحت عامہ کے ماہرین، سائنسدانوں اور محققین کو سلام پیش کرتے ہیں ،وزیرخارجہ
شاہ محمود قریشی نے مزید کہا کہ کوروناسےموثراندازمیں نمٹنے پرتجربات سےدنیاکو مستفیدکرنے کوتیارہیں ، آج پاکستان میں کورونا سے متاثرہ افراد اور اموات میں نمایاں کمی آچکی ہے۔
وزیر خارجہ کا کہنا تھا کہ پاکستان بحران میں چین سمیت عالمی برادری کےتعاون کاشکریہ اداکرتاہے، چین نےاس مشکل صورت حال سےنبردآزماہونے میں مالی اور تکنیکی مدد فراہم کی۔
