The news is by your side.

Advertisement

پاکستان نے پلوامہ واقعے پر بھارتی ایجنسی کے الزامات کومسترد کر دیئے

اسلام آباد : پاکستان نے پلوامہ واقعے پر بھارتی ایجنسی کے الزامات کومسترد کردیئے ، ترجمان دفترخارجہ زاہدحفیظ کا کہنا ہے کہ بھارتی قابض فوج کشمیریوں کےحوصلے کمزور نہیں کرسکتی۔

تفصیلات کے مطابق ترجمان دفترخارجہ زاہدحفیظ نے نیوزبریفنگ دیتے ہوئے کہا مق بوضہ کشمیرمیں بھارتی فوج کی ظالمانہ کارروائیوں میں4 نوجوان شہیدکیے گئے، بھارتی قابض فوج کشمیریوں کے حوصلے کمزور نہیں کرسکتی۔

ترجمان دفترخارجہ کا کہنا تھا کہ پلوامہ واقعے پر بھارتی ایجنسی کے الزامات کو مسترد کرتے ہیں ، بھارت نے شواہد دینے کے بجائے پلوامہ واقعہ مذموم پروپیگنڈے کے لیے استعمال کیا۔

شاہ محمود قریشی کے دورہ چین کے حوالے سے زاہد حفیظ نے کہا کہ وزیرخارجہ کےدورہ چین میں دوطرفہ تمام معاملات پربات چیت ہوئی اور پاکستان اورچین نے مختلف امور پرایک دوسرے کا ساتھ دیا ہے۔

اان کا مزید کہنا تھا کہ پاکستان بھارت کے منفی پروپیگنڈے اور فالس آپریشن سے دنیا کو خبردار کرچکا ہے، وزیرخارجہ نے واضح کیا کہ فریقین کو پائیدار امن کا موقع کھونا نہیں چاہیے۔

Comments

یہ بھی پڑھیں