اسلام آباد : وزارت خارجہ نے متحدہ عرب امارات (یو اے ای) کی پاکستانیوں کیلئے ویزا اجرا پر پابندی کی تردید کردی۔
تفصیلات کے مطابق قومی اسمبلی اجلاس کے دوران وزارت خارجہ نے ایوان کو تحریری جواب میں یو اے ای کی پاکستانیوں کیلئے ویزا اجرا پر پابندی کی تردید کردی۔
وزارت خارجہ نے بتایا کہ متحدہ عرب امارات نے پاکستانی شہریوں پر ویزا پابندی عائد نہیں کی، یو اے ای میں بعض پاکستانی جعلی ڈگری، ڈپلومے جمع کرانے اور ویزا مدت سے زائد قیام سمیت سیاسی و مجرمانہ سرگرمیوں میں ملوث پائے گئے ہیں
تحریری جواب میں کہا گیا کہ متحدہ عرب امارات میں بعض پاکستانی سوشل میڈیا پلیٹ فارمز کے نہ مناسب استعمال میں ملوث پائے گئے ہییں ، ابوظہبی میں پاکستانی سفارتخانے نے تحریری جواب حکومت کے ساتھ معاملہ اٹھایا ہے، ساتھ وزارتی و انڈر سیکرٹری سطح پر معاملہ اٹھایا گیا ہے۔
وزیر خارجہ کا کہنا تھا کہ متحدہ عرب امارات نے پانچ سالہ ویزا کا اعلان کیا ہے، ویزہ کیلئے رائونڈ ٹرپ ٹکٹ، ہوٹل بکنگ، جائیداد کی ملکیت کا ثبوت اور 3 ہزار درہم کی پیشگی ادائیگی کرنی ہوگی۔
