اسلام آباد : دفتر خارجہ کی ترجمان کہنا ہے کہ بھارت دوسروں پرانگلی اٹھانے کے بجائے ریاستی دہشت گردی ترک کرے۔
تفصیلات کے مطابق پاکستانی دفتر خارجہ کی ترجمان نے میڈیا بریفنگ دیتے ہوئے کہا کہ بھارتی قیادت کے پاکستان مخالف بیانات،ہرزہ سرائی کی مذمت کرتے ہیں۔
ترجمان دفترخارجہ نے کہا کہ بھارت مقبوضہ کشمیر اور پاکستان میں دہشت گردی میں ملوث ہے، دنیا مقبوضہ کشمیرمیں بھارتی مظالم اور انسانی حقوق کی خلاف ورزیوں کا نوٹس لے۔
ترجمان کا کہنا تھا کہ بھارتی وزارت خارجہ کے ریمارکس کو مسترد کرتے ہیں ، بھارت عالمی برادری کواینٹی پاکستان پروپیگنڈے سے گمراہ کر رہا ہے۔
انھوں نے کہا کہ بھارت دوسروں پر انگلی اٹھانے کے بجائے ریاستی دہشت گردی ترک کرے۔
دفترخارجہ نے بتایا کہ مقبوضہ کشمیر میں گزشتہ ہفتے 4معصوم کشمیریوں کا بہیمانہ قتل کیا گیا جبکہ 2022کےدوران214 کشمیریوں کوشہید کیا، 70 سے زائد کشمیریوں کودوران حراست شہید کیا کیا۔
