چیئرمین پی سی بی رمیز راجا نے تمام ریٹائرڈ کھلاڑیوں کی پینشن میں فی کس ایک لاکھ روپے اضافے کا اعلان کر دیا۔
پہلی کٹیگری میں شامل ریٹائرڈ کھلاڑیوں کی پینشن اب 54 ہزار سے بڑھ کر ایک لاکھ 54 ہزار روہے ہوگئی جب کہ دوسری کٹیگری میں شامل ریٹائرڈ کھلاڑیوں کی پینشن اب 48 ہزار سے بڑھ کر ایک لاکھ 48 ہزار روپے ہوگئی۔
تیسری کٹیگری میں شامل ریٹائرڈ کھلاڑیوں کی پینشن اب 42 ہزار سے بڑھ کر ایک لاکھ 42 ہزار روپے ہوگئی۔
𝗕𝗜𝗚 𝗔𝗡𝗡𝗢𝗨𝗡𝗖𝗘𝗠𝗘𝗡𝗧: Ramiz Raja unveils revised PCB Players’ Welfare Policy with increase in former cricketers’ pension amounts and annual inflationary increases. 👏 pic.twitter.com/xobc9JuItl
— Pakistan Cricket (@TheRealPCB) May 19, 2022
چیئرمین پی سی بی رمیز راجا کا کہنا ہے کہ سابق کرکٹرز کی عزت ہی پی سی بی کی عزت ہے ریٹائرڈ کرکٹر کی وفات کی صورت میں ان کی پینشن اہلیہ وصول کرسکتی ہیں مہنگائی کی شرح کے مطابق ریٹائرڈ کھلاڑیوں کی پینشن میں بھی سالانہ اضافہ کیا جائے گا۔
رمیز راجہ نے کہا کہ سابق کھلاڑیوں کی فلاح و بہبود کے لیے پی سی بی کا بینوولنٹ فنڈ پہلے ہی موجود ہے ریٹائرڈ کرکٹرز چاہیں تو اس فنڈ سے بھی مستفید ہوسکتے ہیں۔