آکلینڈ: نیوزی لینڈ سے تعلق رکھنے والے لیجنڈری کرکٹر 92 برس کی عمر میں دارِ فانی سے کوچ کرگئے۔
انٹرنیشنل کرکٹ کاؤنسل (آئی سی سی) کی جانب سے جاری کردہ اعلامیے میں بتایا گیا ہے کہ نیوزی لینڈ کرکٹ ٹیم کے لیجنڈری اور دنیائے کرکٹ کے سب سے پرانے کھلاڑی جان رچرڈ ریڈ 92 برس کی عمر میں انتقال کرگئے۔
اُن کا انتقال آکلینڈ میں بدھ کے روز ہوا جس کی اہل خانہ نے بھی تصدیق کردی۔ جان آر ریڈ کی جدائی سےبالخصوص نیوزی لینڈ کی کرکٹ ٹیم اور بالعموم دنیائے کرکٹ سے ایک عمدہ کھلاڑی کی اننگز کا اختتام ہوگیا۔
بتایا گیا ہے کہ جان رچرڈ ریڈ نے دو دہائیوں تک ڈومیسٹک کرکٹ میں حصہ لیا، انہیں بہترین آل راؤنڈر سمجھا جاتا تھا یہی وجہ ہے کہ نیوزی لینڈ کی ٹیم میں انہیں خصوصی حیثیت حاصل تھی۔
جان رچرڈ نے اُس وقت قومی کرکٹ ٹیم میں امید جگائی جب نیوزی لینڈ بین الاقوامی سطح پر بہت پیچھے تھی۔
جان رچرڈ کرکٹ کے علاوہ رگبی کے بھی اچھے کھلاڑی تھے مگر گٹھیا کے بخار کے بعد انہوں نے صرف کرکٹ پر ہی توجہ مرکوز رکھی۔
New Zealand great John R Reid has passed away in Auckland, aged 92.
Reid played 58 Tests in a 16-year long international career, scoring 3428 runs and picking up 85 wickets.
He was New Zealand’s oldest surviving Test player. pic.twitter.com/XdWTMiSAP9
— ICC (@ICC) October 14, 2020
رچرڈ نے 16 سالہ کریئر میں 58 ٹیسٹ میچز کھیلے جس میں انہوں نے 22 نصف سنچریوں اور 6 سنچریوں کی مدد سے 3 ہزار 428 رنز اسکور کیے۔ جنوبی افریقا کے شہر کیپ ٹاؤن میں 1954 کو کھیلے جانے والے میچ میں انہوں نے 135 رنز کی یادگار اننگز کھیلی تھی۔
