The news is by your side.

پاکستان کے سابق کپتان کا ویرات کوہلی سے متعلق بڑا بیان

پاکستان کے سابق کپتان راشد لطیف نے آوٹ آف فارم ویرات کوہلی سے متعلق بڑا بیان دے دیا۔

ٹی وی شو میں گفتگو کرتے ہوئے راشد لطیف نے کہا کہ ویرات کوہلی کبھی ٹی ٹوئنٹی کے بہترین کھلاڑی نہیں رہے ان کی اوسط اچھی ہے لیکن وہ کبھی ٹی ٹوئنٹی میں میچ ونر نہیں رہے۔

انہوں نے کہا کہ ویرات کوہلی کبھی سوریا کماریادیو یا روہت شرما نہیں بن سکتے ہم ان کا شمار بابراعظم، ولیمسن جیسے پلیئرز میں کر سکتے ہیں لیکن وہ ٹی ٹوئنٹی کے بہترین کھلاڑی نہیں۔

شو میں گفتگو کرتے ہوئے سابق کپتان محمد حفیظ نے کہا کہ جس ویرات کوہلی کو ہم جانتے ہیں وہ اب اس فارمیٹ میں نظر نہیں آرہے میرا نہیں خیال کہ انہوں نے بڑی اننگز کھیلی جس سے ہم یہ سکیں کہ وہ فارم میں واپس آ گئے ہیں۔

پاکستان اور بھارت کے درمیان آج ایشیا کپ کے رواں ایونٹ میں دوسرا مقابلہ ہوگا، پہلے میچ کی شکست کے بعد شاہین بدلہ لینے کے لیے بے قرار ہیں، میچ پاکستانی وقت کے مطابق شام 7 بجے شروع ہوگا۔

2 میچوں میں کپتان بابر اعظم کا بلا نہ چلا، لیکن بھارت کے خلاف چل سکتا ہے، فخر زمان اور رضوان فارم میں آ گئے ہیں، اور نسیم بھی بڑا خطرہ ثابت ہو سکتے ہیں۔

Comments

یہ بھی پڑھیں