قاہرہ : مصر کے سابق صدر حسنی مبارک91سال کی عمر میں انتقال کرگئے، کرپشن کے الزامات کی زد میں رہنے والے حسنی مبارک فالج کے باعث اسپتال میں زیرعلاج تھے۔
تفصیلات کے مطابق مصر کے سابق صدر حسنی مبارک91سال کی عمر میں انتقال کرگئے، غیر ملکی میڈیا میں بتایا گیا ہے کہ وہ انتہائی نگہداشت کے وارڈ میں داخل تھے جہاں انہیں مصنوعی سانس دی جارہی تھی, حسنی مبارک2011میں احتجاج کے بعد مستعفی ہوگئے تھے۔
حسنی مبارک1981سے2011تک مصر کے صدر رہے، حسنی مبارک کرپشن کے الزامات کے تحت زیرحراست اور فالج کے باعث اسپتال میں زیرعلاج تھے۔
حسنی مبارک کا انتقال ایسے موقع پر ہوا ہے جب ان کے دونوں بیٹوں کو بینک کی فروخت کے دوران ناجائز شیئر ٹریڈنگ کے الزام سے بری کر دیا گیا ہے۔
مرحوم صدر کا اقتدار سال 2011میں اس وقت اختتام پذیر ہوا جب عوام ان کیخلاف سڑکوں پر نکل آئی، پورے ملک میں ہنگامے پھوٹ پڑے، ان ہنگاموں کے دوران 239افراد جاں بحق ہوئے، جس کے قتل کے الزام میں حسنی مبارک کو گرفتار کرکے جیہل بھیج دیا گیا، اس طرح ان کا 30سالہ دور صدارت کا خاتمہ ہوا۔
