The news is by your side.

Advertisement

وفاقی کابینہ کے 4 نئے ارکین نے حلف اٹھالیا

اسلام آباد : وفاقی کابینہ کے 4 نئے ارکان نے حلف اٹھالیا ، حلف اٹھانے والوں میں ق لیگ کے چوہدری سالک حسین ، ن لیگ کے جاویدلطیف ، بی این پی مینگل کے آغا حسن بلوچ اور محمدہاشم نوتیزئی شامل ہیں۔

تفصیلات کے مطابق وفاقی کابینہ کے مزید ارکان کی تقریب حلف برداری ایوان صدر میں ہوئی ، جس میں حکمران اتحاد کے ارکان نے حلف اٹھایا ، صدرمملکت عارف علوی نے وفاقی وزرا سے حلف لیا۔

ق لیگ کے چوہدری سالک حسین ، ن لیگ کے جاوید لطیف ، بی این پی مینگل کے آغاحسن بلوچ نے وفاقی وزیرکی حیثیت سے حلف لیا جبکہ بی این پی کے محمدہاشم نوتیزئی بطور وزیر مملکت حلف اٹھایا۔

بی این پی مینگل کے آغا حسن بلوچ کو سائنس اینڈٹیکنالوجی کا قلمدان دیا جائے گا۔

گذشتہ روز وفاقی کابینہ میں مسلم لیگ کے سالک حسین اور عوامی نیشنل پارٹی کو بھی شامل کرنے کا فیصلہ کیا گیا تھا ، ذرائع کا کہنا تھا کہ آصف علی زرداری کے کہنے پر دونوں کو وزارتیں دی جارہی ہیں۔

اس سے قبل بلوچستان نیشنل پارٹی نے کابینہ میں شمولیت کا حامی بھرلی تھی، وزیراعظم سے ملاقات میں مطالبات تسلیم ہونے پر شمولیت کا فیصلہ ہوا۔

ذرائع نے بتایا تھا کہ آغا حسن بلوچ کو وفاقی وزیرسائنس اینڈٹیکنالوجی اور بی این پی کے ہاشم نوٹزئی کو وزیرمملکت برائے توانائی بنایا جائے گا۔

Comments

یہ بھی پڑھیں