پیرس: فرانس میں سیکیورٹی اہلکاروں نے اہم کارروائی کرتے ہوئے دہشت گردی کا بڑا منصوبہ ناکام بنا دیا، چار مشتبہ افراد گرفتار ہوگئے۔
تفصیلات کے مطابق حکام نے بتایا کہ ایسے شواہد اکھٹے ہوئے ہیں جس سے واضح ہوتا ہے ملزمان کسی بڑی دہشت گردی کا منصوبہ بنارہے تھے۔
غیر ملکی خبر رساں اداراے کا کہنا ہے ابتدائی تحقیقات کے مطابق گرفتار ملزمان نے اسحلہ خریدنے اور اسے دہشت گردی کے منصوبے میں استعمال کرنے کی کوشش کی۔
فرانسیسی وزیرداخلہ کرسٹوف کاسٹانر اور پولیس افسران کے مطابق گرفتار ملزمان سے تفتیش جاری ہے، مزید حقائق منظر عام پر آئیں گے جبکہ ملزمان کو عدالت کے روبرو بھی پیش کیا جائے گا۔
پولیس کا کہنا ہے کہ گرفتار ملزمان میں سے دو کی عمریں 19 سال سے کم ہیں، ملزمان نے شام کا سفر کرنے کی بھی کوشش کی، معاملے کی حل پہلو سے تحقیقات کررہے ہیں۔
واضح رہے کہ تین سال قبل پیرس کے نواحی علاقے باٹا کلان میں ایک موسیقی پروگرام پر حملے میں 130 افراد ہلاک ہوگئے تھے، اس حملے کی ذمہ داری داعش نے قبول کی تھی۔
جس کے بعد سے ملکی دارالحکومت پیرس سمیت کئی شہروں میں سیکیوٹی آج بھی ہائی الرٹ رکھی جاتی ہے۔
فرانس میں دہشت گردی کی 6 کارروائیاں ناکام بنائی گئیں، فرانسیسی وزیر داخلہ
یاد رہے کہ جولائی 2017 کو بیسٹائل ڈے کی تقریب سے قبل صدر میکرون دہشت گردوں کی جانب سے قاتلانہ حملے کا نشانہ تھے جس کے جرم میں ایک شخص پر فرد جرم عائد کی گئی تھی۔
