The news is by your side.

Advertisement

فرانسیسی پولیس افسران اور اہلکاروں میں خودکشی کا رجحان بڑھ گیا

پیرس: فرانسیسی پولیس کے اہلکاروں میں خودکشی کے رجحان میں اضافہ ہوگیا جس کا اعتراف خبررساں ادارے نے بھی کرلیا ہے۔

فرانسیسی خبررساں ادارے کی رپورٹ کے مطابق رواں سال فرانسیسی پولیس میں خودکشی کے رجحان میں اضافہ ہوا، تین افسران اور پولیس کمانڈر سمیت پولیس اکیڈمی کے ایک استاد نے بھی اپنی زندگی کا خاتمہ کیا۔

رپورٹ کے مطابق حال ہی میں 8 پولیس افسران نے خودکشیاں کیں جبکہ پانچ اہلکار علیحدہ ہیں جنہوں نے اپنے ہی ہاتھوں سے اپنی زندگیوں کا خاتمہ کیا۔

فرانس کے جنوب مشرقی علاقے میں گزشتہ ہفتے افسران نے خودکشیاں کیں۔ رپورٹ کے مطابق رواں سال صرف محکمہ پولیس سے وابستہ 64 افراد زندگیاں ختم کرچکی جبکہ اس تعداد میں مسلسل اضافہ بھی ہورہا ہے۔

حیران کن طور پر فرانس میں دہشت گردی سمیت کسی بھی واقعے میں رواں سال میں اب  تک اتنی تعداد میں اہلکاروں کی اموات نہیں ہوئیں جتنی خودکشیاں ریکارڈ کی گئیں۔

پولیس کے لیے کام کرنے والی یونین کا کہنا ہے کہ لوگوں کو تحفظ فراہم کرنے والوں کو بھی اب تحفظ کی ضرورت ہے، اگر مسائل پر قابو نہ پایا گیا یا امداد میں اضافہ نہ کیا گیا تو تعداد دگنی ہوسکتی ہے۔ متبادل پولیس یونین کے سربراہ ڈینس جیکب کا کہنا ہے کہ 2019ء محکمہ پولیس میں خودکشیوں کی تعداد کے اعتبار سے بدترین سال ثابت ہوسکتا ہے۔

Comments

comments

یہ بھی پڑھیں