دبئی: دبئی کی حکومت نے معذور شہریوں اور سیاحوں سہولیت کے لیے خصوصی ’الخیر رایڈ‘ ٹیکسی سروس کا آغاز کیا ہے جو مسافروں کو مفت سروس فراہم کرے گی۔
تفصیلات کے مطابق متحدہ عرب امارات کے شہر دبئی کے حکام کی جانب سے معذور شہریوں اور سیاحوں کے لیے خصوصی ٹیکسی سروس کا آغاز کیا جارہا ہے۔ جو مسافروں کو دبئی کے عالمی ایئر پورٹ سے شہر کے کسی بھی حصّے تک فری میں سروس فراہم کرے گی۔
دبئی کی ٹیکسی کاپریشن کے حکام کا کہنا تھا کہ دبئی انتظامیہ کی جانب سے معذور افراد کے لیے ’الخیر رائڈ‘ کا آغاز کیا جارہا ہے جو معاشرے کے خاص افراد کو مفت سروس فراہم کرے گی۔
دبئی کی انتظامیہ کا کہنا تھا کہ مذکورہ پروگرام کے تحت کچھ ٹیکسیوں کو خاص طور پر ان افراد کے لیے بنایا گیا ہے کہ جس میں ویل چیئر کو باآسانی گاڑی کے اندر رکھا جاسکے گا۔
غیر خبر رساں ادارے کا کہنا تھا کہ ’الخیر رایڈ‘ ٹیکسی سروس کو چلانے کے لیے ڈرائیوروں کو خصوصی طور پر تربیت دی گئی ہے تاکہ معذور شہریوں اور سیاحوں کو کوئی مشکل پیش نہ آئے۔
#Dubai offers free taxi rides for people with special needs or disabilities as part of "Al Khair Ride” initiative by Dubai Taxi Corporation. To book a taxi, call 042080808. pic.twitter.com/dP8PmH7SlB
— Dubai Media Office (@DXBMediaOffice) May 27, 2018
غیر ملکی خبر رساں ادارے سے گفتگو کرتے ہوئے دبئ اعلیٰ عہدیدار یوسف الرئیسی کا کہنا تھا کہ مذکورہ ٹیکسی سروس ’شیخ زید کی قدروں کو دوبارہ زندہ کرنے کی مہم کا حصّہ ہے‘۔
یوسف الرئیسی کا کہنا تھا کہ الخیر رایڈ ٹیکسی سروس اور اس جیسے دیگر اقدامات دبئی کے نجی اداروں اور عوام کے درمیان انسانیت کو فروغ دینے کے لی ہے۔
یاد رہے کہ دبئی حکومت نے رواں برس 20 مارچ کو منائے جانے والے’خوشی کے دن‘ کے موقع پر دبئی کے عالمی ہوائی اڈے پر قدم رکھنے والے پہلے100 خوش نصیب سیّاحوں کو ایئرپورٹ سے منزل مقصود تک پہنچانے کے لیے مفت ٹیکسی سروس فراہم کی گئی تھی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
