کراچی : گورنر سندھ کامران خان ٹیسوری کی جانب سے کراچی کے ہزاروں نوجوانوں کو مفت جدید آئی ٹی کورسز کروانے کے اعلان پر عمل درآمد شروع ہوگیا۔
کراچی کے 50ہزار نوجوانوں کو مفت جدید آئی ٹی کورسز کرانے کے حوالے سے گورنرہاؤس میں انٹری ٹیسٹ کا آغازکل بروز اتوار سے ہوگا۔
اس سلسلے میں 10ہزار طلباء و طالبات کل گورنر ہاؤس میں انٹری ٹیسٹ کے لیے آئیں گے، گورنر ہاؤس کے باہر سیکیورٹی اور ٹریفک انتظامات بہتر بنانے کیلئے افسران کو ہدایات جاری کردی گئیں۔
- Advertisement -
گورنر سندھ کامران خان ٹیسوری نے کہا ہے کہ جدید آئی ٹی کورسز کے ٹیسٹ کا آغاز نوجوانوں کے لئے اچھی خبر ہے، مذکورہ کورسز کرکے نوجوان 15سے20لاکھ روپے ماہانہ کماسکیں گے۔
گورنر سندھ کی جانب سے اعلان کردہ کورسز میں حصہ لینے والے نوجوان ویب سائٹ www.governorsindh.com پر خود کو رجسٹرڈ کرواسکتے ہیں۔
