ڈبلن: آئرلینڈ میں ایک شخص کو جب تابوت میں اتارا گیا تو وہاں موجود لوگوں کو اس شخص کی آوازیں سنائی دینے لگیں۔
تفصیلات کے مطابق آئرلینڈ کے شہر ڈبلن میں ڈیفنس فورس کا حصہ رہنے والے بریڈلے طویل علالت کے بعد 8 اکتوبر کو انتقال کرگئے تھے، انہیں جب تابوت میں اتارا گیا تو وہاں موجود لوگوں کو آوازیں سنائی دینے لگیں۔
جب بریڈلے کی آخری رسومات کی ادائیگی کی جارہی تھی اس وقت ایک ریکارڈنگ چلائی گئی جو انہوں نے اپنی زندگی میں ریکارڈ کی تھی۔
اس ریکارڈنگ کا آغاز اس طرح ہوا کہ ’میں کہاں ہوں؟ مجھے یہاں سے باہر نکالو، یہاں بہت اندھیرا ہے، کیا یہاں کوئی مذہبی پیشوا موجود ہے جو میری آواز سن سکے، میری مدد کرسکے۔‘
Funeral in dublin yesterday he's alive pic.twitter.com/j18uFJ5aA4
— Lfcgigiddy1122 (@lfcgigiddy1122) October 13, 2019
ریکارڈنگ میں اس شخص کا کہنا تھا کہ میں شے بریڈلے ہوں جو باکس میں بند ہوں، میں مردہ ہوں؟
ریکارڈ میں مزید آواز سنائی دی جس میں انہوں نے لوگوں کو مخاطب کرتے ہوئے کہا کہ مجھے بس آپ سب سے الوداع کہنا ہے۔
اس واقعے کو دیکھ کر پہلے وہاں موجود لوگ حیران ہوئے اور پھر ان کے قہقہے لگ گئے۔
شے بریڈلے کی ویڈیو سوشل میڈیا پر وائرل ہوچکی ہے تاہم ان کے ادارے کا کہنا تھا کہ جب انہیں بریڈلے کی موت کی خبر ہوئی تو بہت دکھ ہوا، ان کے اہلخانہ کے ساتھ تعزیت کا اظہار کرتے ہیں۔
شے بریڈلے کی بیٹی کا کہنا تھا کہ انہیں یہ جان کر خوشی ہوئی کہ انہوں نے اس ریکارڈنگ سے کتنے لوگوں کو چہروں پر مسکراہٹ بکھیر دی، وہ ایک بہترین شخصیت کے حامل تھے۔