پی آئی اےاحتجاج میں جاں بحق دوملازمین کی نمازِ جنازہ آج اداکی جائے گی -
The news is by your side.

Advertisement

پی آئی اےاحتجاج میں جاں بحق دوملازمین کی نمازِ جنازہ آج اداکی جائے گی

کراچی:پی آئی اے کے احتجاج میں فائرنگ سے جاں بحق ہونے والے دوملازمین کی نمازجنازہ آج ادا کی جارہی ہے جبکہ فیصل آباد میں ملازمین کی غائبانہ نمازجنازہ ادا کی گئی۔

پی آئی اے کی مجوزہ نجکاری کےخلاف کراچی میں احتجاج کے دوران فائرنگ سے جاں بحق سلیم اکبرکی نماز جنازہ آج بعد نمازعصر اداکی جائے گی۔

فائرنگ سے جاں بحق ایچ آراسسٹنٹ زبیرکی نمازجنازہ بھی آج کراچی میں ہی ادا کی جارہی ہے۔

فیصل آباد میں پی آئی اے ملازمین نے گزشتہ روزجاں بحق ملازمین کی غائبانہ نمازجنازہ ادا کی۔

پی آئی اے ملازم عنایت رضوی کی نمازہ جنازہ کل نارتھ ناظم آباد میں مسجدوامام بارگاہ باب العلم میں ہوئی جبکہ تدفین وادی حسین میں کی گئی۔

دوسری جانب پی آئی اے ملازمین کی جانب سے ملک بھرمیں احتجاج کا سلسلہ جاری ہے اورپی آئی اے کا فلائیٹ آپریشن بھی شدید مشکلات کاشکار ہے، ذرائع کے مطابق اب تک 16 پروازیں منسوخ ہوچکی ہیں۔

Comments

comments

یہ بھی پڑھیں