بھارت کی کرکٹ ٹیم میں کونسا کھلاڑی اپنی عادتوں کی وجہ سے ’گجنی‘ ہے، کپتان روہت شرما نے سب کے سامنے اس پلیئرز کے نام سے پردہ اٹھا دیا۔
دی گریڈ انڈین کپل شرما شو میں ٹیسٹ کپتان روہت شرما اور کئی بھارتی کرکٹر مہمان بنے جو کہ اگلے ہفتے آن ایئر ہوگا، تاہم اس کی کچھ کلپ سوشل میڈیا پر وائرل ہورہی ہیں جس میں میزبان کپل شرما روہت اور دیگر کھلاڑیوں سے دلچسپ سوالات کرتے نظر آرہے ہیں۔
وائرل ہونے والی ایک کلپ میں ارچنا پورن سنگھ نے روہت شرما سے سوال کیا کہ بھارتی ٹیم میں گجنی کون ہے، ان کا اشارہ عامر خان کی مشہور فلم گجنی کی طرف تھا، جس میں عامر نے ایسے شخص کا کردار ادا کیا تھا جو باتوں کو بھول جاتا ہے۔
یہ سوال سنتے ہیں روہت شرما قہقہ لگا کر ہنسنسے لگے اور کھلے دل سے اعتراف کیا کہ ’یہ میرا اصلی ٹائٹل ہے‘، اس موقع پر بھارتی کرکٹرز نے بھی روہت شرما کے بھولنے کے کئی واقعات سنائے۔
بھارتی کرکٹرز نے بتایا کہ جب سیریز یا ایونٹس کے دوران بھارتی ٹیم سفر کرتی ہے تو اکثر روہت شرما کچھ نہ کچھ بھول جاتے ہیں یہاں تک کہ وہ اپنا فون اور پاسپورٹ تک بھول چکے ہیں۔
خیال رہے کہ یہ نیٹ فلیکس پر کپل شرما شو کا دوسرا سیزن ہے، اس سے قبل آن ایئر ہونے والے پہلے سیزن میں بھی روہت شرما شریاس آئیر کے ساتھ شریک ہوئے تھے۔
