The news is by your side.

Advertisement

سب کاساتھ رہاتو پی ایس ایل کی ٹرافی لیکر آئیں گے ، سلمان اقبال

کراچی: پاکستان سپر لیگ کی ٹیم کراچی کنگز کے مالک اور اے آر وائی نیٹ ورک کے صدر سی ای او سلمان اقبال نے کراچی کی ٹیم کو چیمپئن بنانے کا عزم ظاہر کیا ہے، ان کا کہنا تھا کہ سب کاساتھ رہاتوپی ایس ایل کی ٹرافی لیکر وطن آئیں گے۔

نیا ناظم آباد کراچی میں کراچی کنگز کے اعزاز میں دیئے جانے والے استقبالیے سے خطاب کرتے ہوئے سلمان اقبال نے کہا کہ کراچی کنگز کی ٹیم کو سب کی سپورٹ کی ضرورت ہے، یہ ٹیم کراچی والوں کی ہے۔

اے آر وائی نیٹ ورک کے صدر اور سی ای او سلمان اقبال نے کہا کہ سب کاساتھ رہاتوپی ایس ایل کی ٹرافی لیکر آئیں گے، کراچی کنگز کے سربراہ نے کہا کہ آئندہ آنے والے بارہ ماہ میں ٹیلنٹ ہنٹ پروگرام کےانعقاد کررہے ہیں۔

کراچی کنگز کو سپورٹ کرنے پر سلمان اقبال نے تمام اسپانسر کا شکریہ بھی ادا کیا،تقریب کے اختتام پر سلمان اقبال نے کراچی جیتے گا کا نعرہ بھی بلند کیا۔


Gathering in honour of Karachi Kings at Naya… by arynews

Comments

comments

یہ بھی پڑھیں