اسلام آباد : آرمی چیف جنرل قمرجاویدباجوہ نے صدر مملکت عارف اور وزیراعظم سے ملاقاتیں کیں ، جس میں دونوں جنرل قمر جاوید باجوہ کی ملک اور پاک فوج کیلئے خدمات پر تعریف کی۔
تفصیلات کے مطابق صدر عارف علوی سے آرمی چیف جنرل قمرجاویدباجوہ کی ایوان صدر میں الوداعی ملاقات کی، صدرمملکت نےآرمی جنرل قمر جاویدباجو ہ کی دفاعی شعبے میں خدمات کو سراہا۔
صدرمملکت نے جنرل قمر جاوید باجو ہ کی ملک اورپاک فوج کیلئے خدمات کی بھی تعریف کی اور جنرل قمر جاوید باجوہ کےمستقبل کیلئے نیک تمناؤں کا اظہار کیا۔
دوسری جانب سے آرمی چیف جنرل قمر جاوید باجوہ وزیراعظم ہاؤس پہنچے، جہاں وزیراعظم سے الوداعی ملاقات کی۔
وزیراعظم نے آرمی چیف کو ملک اور قوم کے لئے خدمات پر خراج تحسین پیش کرتے ہوئے مستقبل کے لئے نیک خواہشات کا اظہار کیا۔
وزیراعظم کی جانب سے آرمی چیف جنرل قمرجاوید باجوہ کے اعزازمیں ظہرانے کا اہتمام بھی کیا گیا۔
