برلن : سروے رپورٹ نے چانسلر میرکل کی سی ڈی یو اور صوبے باویریا میں اتحادی سی ایس یو کی مجموعی عوامی مقبولیت میں کمی ثابت کردی۔
تفصیلات کے مطابق تازہ عوامی جائزے میں پہلی بار جرمنی کی گرین پارٹی کی عوامی مقبولیت چانسلر انگیلا میرکل کے قدامت پسند اتحادی بلاک سے زیادہ دیکھی گئی ہے۔
جرمن نشریاتی اداروں کی جانب سے فورسا انسٹیٹیوٹ کے ذریعے مکمل کیے گئے اس جائزے میں کہا گیا کہ گرین پارٹی کی مقبولیت میں گزشتہ ہفتے کے مقابلے میں نو فیصد اضافہ ہوا ہے اور اب اسے ستائیس فیصد جرمن شہریوں کی حمایت حاصل ہے۔
غیر ملکی خبر رساں ادارے کا کہنا تھا کہ اس کے مقابلے میں جرمن چانسلر انجیلا مرکل میرکل کی قدامت پسند جماعت سی ڈی یو اور صوبے باویریا میں اس کی اتحادی سی ایس یو کی مجموعی عوامی مقبولیت 26 فیصد ہے۔
جرمن میڈیا کا کہنا تھا کہ اس سروے کے مطابق سوشل ڈیموکریٹک پارٹی کی مقبولیت 12 فیصد اور انتہائی دائیں بازو کی جماعت الٹرنیٹیو فار جرمنی کی مقبولیت گیارہ فیصد ہے۔
