The news is by your side.

Advertisement

اُرسلا فان ڈیئر لایَن یورپین کمیشن کی پہلی خاتون چیف نامزد

برسلز : یورپی یونین کے سربراہوں نے پہلی مرتبہ ایک خاتون سیاست دان کو یورپین کمیشن کی سربراہی کےلیے نامزد کرکے نئی تاریخ رقم کردی۔

تفصیلات کے مطابق یورپی یونین کے رہنماؤں نے جرمنی کی خاتون کو یورپین کمیشن کا سربراہ نامزد کرکے تاریخ رقم کردی ہے، جرمن خاتو ن وزیر ودفاع اُرسلا فان ڈیئر لایَن یورپی کمیشن کے چیف جین کلاڈ جنکر کی جگہ فرائض انجام دیں گی۔

برطانوی خبر رساں ادارے کا کہنا تھا کہ یہ حیران کن نامزدگی جین کلاڈ جنکر کے جانشین بننے والے اہم امید وار کی منسوخی کے بعد سامنے آئی۔

غیر ملکی خبر رساں ادارے کا کہنا تھا کہ آئی ایم ایف کی چیف کرسٹین لاگارڈ کو یورپین سینٹر بینک کی سربراہ نامزد کیا گیا ہے کرٹین لاگارڈ یورپین سینٹرل بینک کی سربراہ نامزد ہونے والی پہلی خاتون ہیں۔

میڈیا ذرائع کا کہنا تھا کہ مذکورہ نامزدگیوں سے متعلق اعلان گزشتہ دنوں مشکل و طویل بحث مباحثے کے کیا گیا ہے۔

یورپی یونین کے سربراہوں نے پانچ اعلیٰ سطح کے عہدوں کےلیے افراد کو نامزد کرنا تھا، جن میں سے چار افراد کو نامزد کردیا گیا ہے۔

یورپی سربراہوں نے بیلجیئم کے وزیر اعظم چارلس مائیکل یورپی کونسل کا نیا صدر نامزد کیا جو ڈونلڈ ٹسک کی جگہ ذمہ داریاں سنبھالیں گے جبکہ اسپین سے تعلق رکھنے والے سیاست دان جوسیپ بوریل کو خارجہ پالیسی کا چیف مقرر کیا گیا ہے۔

غیر ملکی میڈیا کا کہنا تھا کہ یورپین پارلیمنٹ کے صدر کی نامزدگی آج کی جائے گی، جن میں جرمنی سے تعلق رکھنے والے سیاست دان مین فریڈویبر اور بلغاریہ کے سرگئی اسٹین شیو ممکنہ امید وار ہیں۔

یورپی کونسل کے صدر ڈونلڈ ٹسک نے مذکورہ نامزدگیوں پر رد عمل دیتے ہوئے کہا ’ہم یورپین پارلیمنٹ کے پہلے اجلاس میں ہونے والی نامزدگیوں پر متفق ہیں‘۔

ڈونلڈ ٹسک کا کہنا تھا کہ جرمنی نے اتحادیوں کے معاملے پر اُرسلا فان ڈیئر لایَن کی نامزدگی میں شرکت نہیں کی لیکن نشاندہی کی کہ چانسلر انجیلا مرکل نے ذاتی طور پر اُرسلا فان ڈیئر کی حمایت کی۔

Comments

یہ بھی پڑھیں