مصری لڑکی نے اپنے منگیتر کی زندگی بچانے کی خاطر اسے اپنا گردہ بھی عطیہ کردیا، اتنی بڑی قربانی کے باوجود لڑکی کے منگیتر نے کسی اور سے شادی کرلی۔
عرب میڈیا المرصد نیوز کی رپورٹ کے مطابق مصری دوشیزہ ’ریم‘ نے اپنی آپ بیتی بیان کرتے ہوئے کہا کہ ان کی منگنی ان کے چچا زاد نبیل سے ہوئی تھی۔
ریم نے اپنی روداد سناتے ہوئے کہا کہ ”ہم دونوں کا بچپن ایک ساتھ گزرا تھا اس لیے گھر والوں نے ہماری محبت کو دیکھتے ہوئے منگنی کردی تھی“۔
ریم کا کہنا تھا کہ ایک دن اچانک میرا منگیتر بے ہوش ہوگیا، ہسپتال لے جانے پر معلوم ہوا کہ اس کا ایک گردہ مکمل ختم ہو چکا ہے جبکہ دوسرا گردہ بھی کسی بھی وقت ختم ہوسکتا ہے۔
ریم سے اپنی محبت (منگیتر) کی تکلیف برداشت نہ ہوئی اور اسے اپنا ایک گردہ عطیہ کرنے کا فیصلہ کرلیا، تمام ٹیسٹ مکمل ہونے پر کامیاب آپریشن کیا گیا، منگیتر تیزی سے صحتیاب ہونے لگا مگر ریم کی صحت خراب ہوتی چلی گئی اور اسے اسپتال میں داخل کرادیا گیا۔
ریم اس بات سے بے خبر کہ اس کا منگیتر باہر کیا کررہا ہے، اسپتال میں زندگی اور موت کی جنگ لڑرہی تھی، ایک دن اس کی سہیلی اسپتال پہنچی تو اس نے اسے بتایا کہ اس کے منگیتر نے کسی اور سے شادی کرلی ہے۔
شادی سے انکار پر لڑکے نے خود کو اور لڑکی کو گولی ماردی
ریم کو یہ سن کو شدید صدمہ پہنچا، اس نے منگیتر کو اسپتال بلوایا تاکہ اس حوالے سے تصدیق ہوسکے، اسپتال پہنچنے کے بعد منگیتر نے ریم کے زور دینے پر کہا کہ اس نے صرف ’عارضی شادی‘ کی ہے۔
