اسلام آباد : دنیا بھرمیں مسلمان سب سے زیادہ دہشتگردی کا شکار ہیں، دہشت گردی کا شکار ملکوں میں سرفہرست مسلمان ممالک ہیں، جن میں پاکستان کا نمبر چوتھا ہے.
گلوبل ٹیررزم انڈیکس کے مطابق سال دوہزارچودہ میں دہشتگردی سے اسی فیصد ہلاکتیں پانچ مسلمان ممالک ہوئیں، عراق میں سب سے زیادہ نو ہزار نو سو انتیس افراد دہشتگرد حملوں میں ہلاک ہوئے، دہشتگردی کا نشانہ بننے والے ملکوں میں پاکستان نمبرچوتھے نمبر پر رہا جہاں ایک ہزار سات سوساٹھ افراد دہشت گردحملوں میں جان کی بازی ہار گئے۔
مجموعی طورپردنیا بھرمیں دہشتگردحملوں میں بیتس ہزار چھ سو اٹھاون افراد ہلاک ہوئے، دوہزارچودہ میں سب سے زیادہ چھ ہزارچھ سوچوالیس ہلاکتیں بوکو حرام کے حملوں میں ہوئیں۔
داعش کے دہشتگرد حملوں میں چھ ہزار تہتر افراد جان سے گئے جبکہ طالبان کی کارروائیوں میں تین ہزار چار سو ستتر افراد ہلاک ہوئے.
دہشت گردی سے سب سے زیادہ متاثرہ گیارہ میں سے دس ممالک میں مہاجرین اوراندرون ملک نقل مکانی کی شرح سب سے زیادہ ہے.
