وینزویلا میں غیر قانونی سونے کی کان گر گئی، جس کے باعث 23 افراد جان کی بازی ہار گئے۔
بین الاقوامی خبر رساں ادارے کی رپورٹ کے مطابق جنوبی امریکا کے ملک وینزویلا کی ریاست بولیور کے جنگل میں قائم بولا لوکا نامی سونے کی کان گر گئی۔
مقامی انتظامیہ کا اس حوالے سے کہنا ہے کہ کان گرنے کا واقعہ منگل کے روز پیش آیا، اُس وقت تقریباً 200 کے قریب لوگ موجود تھے۔
#21Feb | Cumpliendo instrucciones del Vicepdte. Sectorial AJ. @ceballosichaso1 y en coordinación con el Gob. del Edo. Bolívar Ángel Marcano, funcionarios del SNGR junto a Organismos de Seguridad ciudadana y efectivos de la ZODI Bolívar, realizan Operaciones de Salvamento… pic.twitter.com/6FWE5SiE22
— cperezampueda (@cperezampueda) February 21, 2024
انتظامیہ کے مطابق بدھ تک کان سے 23 افراد کی لاشوں کو نکال لیا گیا تھا، جبکہ متعدد افراد کو ریسکیو بھی کرلیا گیا تھا، جنہیں طبی امداد کیلئے اسپتال منتقل کردیا گیا ہے۔
ڈپٹی منسٹر آف سول پروٹیکشن کی جانب سے کان گرنے کی ویڈیو کو مائیکرو بلاگنگ کی ویب سائٹ ایکس پر شیئر کیا گیا ہے۔
سامنے آنے والی ویڈیو میں دیکھا جاسکتا ہے کہ لوگ سونے کی کان میں کام کر رہے تھے کہ اچانک کان گرنا شروع ہو گئی، دیکھتے ہی دیکھتے اس کی زد میں درجنوں مزدور آگئے۔
سب انسپکٹر کی گاڑی کو دلخراش حادثہ، داماد سمیت ہلاک
واضح رہے کہ گزشتہ سال دسمبر میں بھی اسی خطے میں ہی سونے کی غیر قانونی کان گرنے کا واقعہ پیش آیا تھا، جس کے نتیجے میں 12 افراد ہلاک ہوگئے تھے۔