کراچی: بلین مارکیٹ میں سونے کی قیمت بڑھنے کی وجہ سے مقامی صرافہ بازاروں میں بھی اضافہ ریکارڈ کیا گیا۔
تفصیلات کے مطابق انٹرنیشنل مارکیٹ میں سال کے دوسرے روز سونے کی فی اونس قیمت 1517 ڈالر کھلی تو ٹریڈنگ کے دوران ریٹ میں چار ڈالرز کا اضافہ ریکارڈ کیا گیا۔
بلین مارکیٹ میں سونے کی قیمت چار ڈالر اضافے کے بعد 1521 فی اونس پر پہنچ گئی۔ عالمی مارکیٹ میں ریٹ بڑھنے کی وجہ سے مقامی صرافہ بازاروں میں بھی بڑھتے بھاؤ کو روکا نہ جاسکا۔
مزید پڑھیں: سال کے پہلے روز گولڈ مارکیٹ سے بڑی خوش خبری
آل پاکستان جیولرز ایسوسی ایشن کے چیئرمین محمد ارشد کے مطابق عالمی مارکیٹ میں اضافے کے بعد ملک بھر کی صرافہ مارکیٹوں میں فی تولہ اور دس گرام کی قیمت میں بالترتیب 100 اور 86 روپے اضافہ ریکارڈ کیا گیا۔
آج 2 جنوری کے ریٹ
فی تولہ : -/ 88،200روپے
دس گرام : -/ 75،617روپے
حالیہ اضافے کے بعد سونے کی فی تولہ قیمت 88 ہزار 200 اور دس گرام 75 ہزار 617 روپے تک پہنچ گئی۔ کراچی ، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی تمام صرافہ بازاروں میں سونے کی فی تولہ اور دس گرام کی خرید و فروخت نئے ریٹ کے ساتھ ہوئی۔
