سونے کی فی تولہ قیمت میں گزشتہ روز ہونے والے اضافے کے بعد اب کمی کردی گئی ہے۔
آل پاکستان جیمز اینڈ جیولرز ایسوسی ایشن نے بیان میں کہا ہے کہ ملک میں آج سونے کی فی تولہ قیمت میں 2800 روپے کی بڑی کمی واقع ہوئی ہے۔ جس کے بعد فی تولہ سونے کا بھاؤ 2 لاکھ 20 ہزار 200 روپے ہوگیا ہے۔
آل پاکستان جیمز اینڈ جیولرز ایسوسی ایشن کے بیان میں مزید کہا گیا ہے کہ دس گرام سونے کا بھاؤ 2401 روپے کم ہو کر 1،88786 روپے ہوگیا ہے۔
- Advertisement -
بین الاقوامی مارکیٹ میں سونے کا بھاؤ 15ڈالر کم ہوکر 1936 ڈالر فی اونس ہے۔
واضح رہے کہ گزشتہ روز عالمی مارکیٹ میں قیمتیں بڑھنے کے بعد ملکی صرافہ مارکیٹوں میں سونے کی فی تولہ قیمت میں 800 روپے اضافہ ہوگیا تھا جس کے بعد فی تولہ قیمت 2 لاکھ 23 ہزار روپے ہوگئی تھی۔
