کراچی: مقامی صرافہ بازاروں میں آج بھی سونے کی فی تولہ قیمت میں اضافہ ریکارڈ کیا گیا۔

تفصیلات کے مطابق عالمی مارکیٹ میں ٹریڈنگ کے دوران سونے کی قیمت میں 9 ڈالر فی اونس اضافہ ہوا جس کے بعد ریٹ 1476 فی ڈالر تک پہنچ گئے۔

بلین مارکیٹ میں ریٹ بڑھنے کی وجہ سے مقامی صرافہ بازاروں پر بھی اچھے اثرات نظر نہ آئے اور قیمتوں میں معمولی اضافہ دیکھا گیا۔

آل پاکستان جیولرز ایسوسی ایشن کے چیئرمین محمد ارشد کے مطابق بتاریخ 20 نومبر بروز جمعے کو 200 روپے اضافے کے بعد سونے کی فی تولہ قیمت 86 ہزار 200 روپے تک پہنچ گئی علاوہ ازیں دس گرام کی قیمت 172 روپے اضافے کے ساتھ 73ہزار 903 تک پہنچی۔

مقامی مارکیٹ میں چاندی کی فروخت 1040 روپے فی تولہ کے ساتھ ہوئی۔

یاد رہے کہ گزشتہ روز بھی سونے کی فی تولہ اور دس گرام کی قیمتوں میں بالترتیب 200 اور 172 روپے اضافہ ہوا تھا جس کے بعد قیمتیں 86ہزار اور 73ہزار 731 روپے تک پہنچ گئیں تھیں۔ ایک روز قبل یعنی 19 نومبر کو بلین مارکیٹ میں سونے کی فی اونس قیمت میں 8 ڈالر کا اضافہ ریکارڈ کیا گیا تھا جس کے بعد قیمت 1467 ڈالر تک پہنچ گئی تھی۔