کراچی: کاروباری ہفتے کے تیسرے روز فی تولہ سونے کی قیمت میں 1950 روپے فی تولہ اضافہ ہوگیا۔

اے آر وائی نیوز کے مطابق عالمی منڈی میں سونے کی قیمتوں میں اضافے کے بعد مقامی صرافہ مارکیٹوں میں بھی سونے کی قیمتوں میں اضافہ دیکھا گیا۔

جیولرز ایسوسی ایشن کے مطابق فی تولہ سونے کی قیمتیں 1950 روپے اضافے کے بعد 94 ہزار 100 روپے ہوگئیں۔

اسی طرح دس گرام سونا 1671 روپے مہنگا ہوکر 80675 روپے کا ہوگیا، دوسری جانب اوپن مارکیٹ میں آج ڈالر کی قمت میں پانچ پیسے کمی ہوئی ہے۔

ایکسچینج کمپنیز ایسوسی ایشن کے مطابق ڈالر آج 154.25 روپے میں فروخت ہوا جو کہ گزشتہ روز 154.30 روپے میں دستیاب تھا۔

ادھر انٹر بینک میں ڈالر 154.25 روپے میں فروخت ہورہا ہے۔

Comments