The news is by your side.

Advertisement

سونے کی قیمت میں حیران کن کمی، ڈالر مزید سستا

کراچی: ملک میں سونے کی فی تولہ قیمت میں 1200 روپے کمی ریکارڈ کی گئی ہے۔

اے آر وائی نیوز کی رپورٹ کے مطابق چیئرمین آل پاکستان جیولرز مینوفیکچررز ایسوسی ایشن محمد ارشد کے مطابق ملک میں سونے کی فی تولہ قیمت 1200 روپے کمی کے بعد ایک لاکھ 13 ہزار 300 روپے ہوگئی۔

سونے کی فی تولہ قیمت میں کمی کے بعد 10 گرام سونے کی قیمت 1028 روپے کمی سے 97 ہزار 136 روپے ہوگئی، عالمی مارکیٹ میں بھی سونے کی قیمت میں کمی کا رجحان رہا، سونا 12 ڈالر کمی کے بعد 1890 ڈالر فی اونس پر ٹریڈ ہوا۔

واضح رہے کہ گزشتہ روز بھی سونے کی قیمت میں کمی ریکارڈ کی گئی تھی ، سونے کی فی تولہ قیمت 770 روپے کمی کے بعد ایک لاکھ 14 ہزار 500 روپے ہوگئی تھی۔

ڈالر کی قدر میں کمی ریکارڈ

دوسری جانب انٹربینک میں ڈالر کی قدر میں مزید کمی ریکارڈ کی گئی، دو ماہ میں ڈالر 7.81 روپے سستا ہوچکا ہے۔

فاریکس ڈیلرز کے مطابق انٹربینک میں ڈالر 29 پیسے کی کمی پر بند ہوا، انٹر بینک میں ڈالر 160 اعشاریہ 91 پیسے کم ہوکر 160 اعشاریہ 62 پیسے پر بند ہوا۔

پاکستان اسٹاک ایکسچینج میں مندی کا رجحان

پاکستان اسٹاک ایکسچینج میں مندی کا رجحان رہا، 100 انڈیکس میں 194 پوائنٹس کی کمی پر کاروبار کا اختتام ہوا، 100 انڈیکس 41 ہزار 186 کی سطح پر بند ہوا۔

Comments

یہ بھی پڑھیں