کراچی / اسلام آباد: عالمی بلین مارکیٹ میں سونے کی قیمت میں اضافہ ہوا جس کے بعد مقامی صرافہ بازاروں میں بھی سونے کی قیمتوں نے اڑان بھر لی۔
تفصیلات کے مطابق انٹرنیشنل مارکیٹ میں ٹریڈنگ کے دوران سونے کی قیمت 5 ڈالر اضافے کے بعد 1426 ڈالر فی اونس تک پہنچ گئی جس کے مقامی صرافہ بازاروں پر بھی منفی اثرات نظر آئے۔
پاکستان جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ قیمت میں 300 جبکہ دس گرام کی قیمت میں 258 روپے کا اضافہ ریکارڈ کیا گیا۔
آج 24 جولائی کے ریٹ
فی تولہ : 84،250
دس گرام: 72،230
کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین اضافے کے بعد فی تولہ 84 ہزار 250 اور دس گرام 72 ہزار 230 روپے کے ساتھ ہوئی۔
مزید پڑھیں: سونے کی قیمتیں مستحکم
یاد رہے کہ انٹرنیشنل مارکیٹ میں گزشتہ روز ٹریڈنگ کے دوران سونے کی قیمت 5 ڈالر کمی کے بعد 1421 فی اونس تک پہنچیں تھیں البتہ مقامی بازاروں میں قیمتیں کم ہونے کے بجائے مستحکم رہیں۔ مقامی صرافہ بازاروں میں سونے کی فی تولہ اور دس گرام قیمتوں میں کوئی اضافہ یا کمی نہیں ہوئی تھی، گزشتہ روز سونے کی فی تولہ قیمت 83 ہزار 950 جبکہ 10 گرام قیمت 71 ہزار 973 رہی تھیں۔
