The news is by your side.

شائقین کرکٹ کیلیے اچھی خبر، میلبرن میں بادل چھٹ گئے

ٹی ٹوئنٹی ورلڈ کپ کچھ گھنٹے بعد میلبرن میں کھیلا جائے گا، تاہم میچ شروع ہونے قبل شائقین کرکٹ کے لیے اچھی خبر ہے کہ موسم بدل گیا ہے۔

اے آر وائی نیوز کے مطابق آئی سی سی ٹی ٹوئنٹی ورلڈ کپ کا فائنل پاکستان اور انگلینڈ کے مابین آج پاکستانی وقت ہے مطابق دوپہر ایک بجے شروع ہوگا، مقامی محکمہ موسمیات نے آج بارش کی پیشگوئی کر رکھی ہے جس نے شائقین کرکٹ کو تشویش میں مبتلا کردیا ہے تاہم اچھی خبر بھی ہے۔

شائقین کرکٹ کے لیے اچھی خبر ہے کہ میچ شروع ہونے سے چند گھنٹے قبل میلبر کا موسم بدل گیا ہے، آسمان پر چھائے بادل چھٹ گئے ہیں اور اس وقت مطلع صاف اور چمکدار دھوپ نکلی ہوئی ہے۔

فائنل میچ کو فیصلہ کن بنانے کے لیے آئی سی سی نے قوانین تبدیل کردیے ہیں جب کہ فائنل آج مکمل نہ ہوسکا تو کل ریزرو ڈے میں کھیلا جائے گا۔

میچ پاکستانی وقت کے مطابق دوپہر ایک بجے شروع ہوگا، بارش کی مداخلت کے باعث آئی سی سی نے قوانین تبدیل کردیے ہیں، میچ کا ٹاس مقررہ وقت سے 8 منٹ قبل ہوگا، ریزرو ڈے پر اضافی وقت کا دورانیہ بھی دو گھنٹے سے بڑھا کر چار گھنٹے کردیا گیا ہے، دوسری جانب کھیل کے آج کے اوقات میں بھی ایک گھنٹے کا اضافہ کردیا ہے اور یہ وقت آدھے گھنٹے سے بڑھا کر 90 منٹ کردیا گیا ہے۔

یہ بھی پڑھیں: ورلڈ کپ فائنل، دل تھام لیجیے انتظار کی گھڑیاں ختم ہونے کے قریب

ماریس ایراسمس اور کمار دھرماسینا کو فائنل کیلئے فیلڈ امپائرز مقرر کیا گیا ہے جبکہ کرس گفانی ٹی وی امپائر اور پال ریفل فورتھ امپائر ہوں گے۔بارش کی پیش گوئی کے باوجود غالب گمان ہے کہ اتوار کے روز بارش نہ ہو۔

Comments

یہ بھی پڑھیں