نگراں حکومت نے ریٹائرڈ ملازمین کو خوشخبری سنا دی، پینشن کی رقم میں اضافہ کردیا گیا، جس کا اطلاق جولائی کی پینشن سے ہوگا۔
تفصیلات کے مطابق ای او بی آئی کے تحت پنشن کی رقم میں اضافے کا نوٹی فکیشن جاری کردیا گیا ہے۔
اس حوالے سے مشیر خاص اوورسیز پاکستانیز اور ہیومن ریسورسز جواد سہراب ملک نے کہا ہے کہ ای او بی آئی کے تحت پنشن حاصل کرنے والے افراد کیلئے رقم میں 17 فیصد اضافہ کیا گیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے تازہ پیغام میں ان کا کہنا تھا کہ پنشن کی رقم 8500روپے سے بڑھا کر 10 ہزار روپے کردی گئی ہے۔
The EOBI Pension increase notification is finally out; slightly delayed however it increases the pension from earlier Rs. 8,500 to Rs. 10,000 (17%) from July 2023. EOBI will disburse the increase from September 2023 together with arrears of July and August 2023. It ushers a minor… pic.twitter.com/OJ4wzKRsfh
— Jawad Sohrab (@JawadSohrab) September 8, 2023
انہوں نے بتایا کہ پنشن کی مذکورہ رقم میں اضافے کا اطلاق جولائی 2023سے نافذ العمل ہوگا۔ ستمبر 2023سے اضافہ کی گئی رقم پنشنرز تک پہنچنا شروع ہوگی۔
جواد سہراب ملک نے کہا کہ پیشن میں جولائی اور اگست کے واجبات بھی شامل ہوں گے، ان شاءاللہ نگراں حکومت یہ اقدام لاکھوں پنشنرز کے لیے فائدہ مند ثابت ہوگا۔