The news is by your side.

Advertisement

سوئی گیس کے ستائے شہریوں کے لیے خوشخبری، لکڑی کا چولہا تیار

جلال پور بھٹیاں میں ایک کاریگر نے سوئی گیس کی قلت اور مہنگی ایل پی جی کو توڑ نکالتے ہوئے لکڑی کا چولہا تیار کرلیا۔

ملک بھر میں گیس کی شدید قلت اور مہنگی ایل پی جی نے عوام کے حقیقت میں چولہے ٹھنڈے کیے ہوئے ہیں، اس کا حل ڈھونڈا ہے پنجاب کے شہر جلال پور بھٹیاں کے شہری نے۔

اے آر وائی نیوز کے مطابق جلال پور بھٹیاں کے ایک کاریگر نے ہاتھ سے اسٹیل سے بلور والا چولہا بنایا ہے، جو کوئلے اور لکڑی دونوں سے چل سکتا ہے۔

چولہا بنانے والے کاریگر نے بتایا کہ چولہے میں نہ صرف کوئلہ بلکہ لکڑی کا ایک چھوٹا ٹکڑا ڈال کر اسے ایک گھنٹہ تک جلایا جاسکتا ہے۔
کاریگر کے مطابق چولہے کی تیاری میں نصف گھنٹہ صرف ہوتا ہے۔

 

گیس کی قلت اور مہنگی ایل پی جی کے ستائے عوام کے لیے یہ چولہا کسی نعمت سے کم نہیں یہی وجہ ہے کہ یہ لوگوں میں‌چولہا مقبولیت حاصل کررہا ہے اور لوگوں کی بڑی تعداد یہ چولہا خرید کراپنی ضرورت پوری کررہی ہے۔

Comments

یہ بھی پڑھیں