لندن: شہریوں بالخصوص خواتین کو سستے داموں خریداری کا سنہری موقع مل گیا، شاپنگ مال میں 70 فیصد تک سیل لگ گئی، مال انتظامیہ کا کہنا ہے کہ شہری اچھا موقع ہاتھ سے نہ جانے دیں۔
غیرملکی خبررساں ادارے کی رپورٹ کے مطابق ’’بوسٹ یو کے‘‘ نامی شاپنگ اسٹور نے اپنے تمام برانچس میں خریداری پر ستر فیصد تک ڈسکاؤنٹ دینے کا اعلان کیا ہے جس کا اطلاق آج سے ہوگا۔
بوسٹ نے گزشتہ پانچ سال سے یہ روایت برقرار رکھی ہے کہ نئے سال کے آغاز پر خاص ایام میں اپنی اشیاء سستے داموں فروخت کرتی ہے۔ اس سے قبل کرسمس کے موقع پر بھی 50 فیصد تک رعایت دی گئی تھی۔
جبکہ گزشتہ کئی دنوں سے بوسٹ اسٹور میں نئے سال کی مناسبت سے پچاس فیصد سیزن آف چلا رہا تھا، تاہم آج سے انتظامیہ نے 70 فیصد رعایتی سیل کا اعلان کیا ہے۔ شہریوں کی بہت بڑی تعداد شاپنگ مال کا رخ کررہی ہے۔
خیال رہے کہ بوسٹ برطانیہ کا مقبول شاپنگ اسٹور ہے جبکہ آئرلینڈ اور تھائی لینڈ کے علاوہ دیگر کئی ممالک میں بھی اس کے برانچس کھولے گئے ہیں۔ یہ مال خواتین کے لیے کاسمیٹک، شعبہ صحت اور ادویات سے متعلق بہت مشہور ہے جہاں ہر قسم کی دوائیاں بہ آسانی مل جاتی ہیں اور خواتین کو بھی پریشانی کا سامنہ نہیں کرنا پڑتا۔
