گوگل ایڈسینس ایک ایسا کارآمد پلیٹ فارم ہے جس سے آپ اپنے چینل ویب سائٹ یا ایپ کو اشہارات کے ذریعے مونیٹائز کرکے خاطر خواہ آمدنی حاصل کرسکتے ہیں۔
گوگل ایڈسینس ویب سائٹ مالکان کو اپنی ویب سائٹس پر اشتہارات دکھا کر پیسہ کمانے کی سہولت فراہم کرتا ہے۔
زیر نظر مضمون میں اس بات پر تفصیلی روشنی ڈالی گئی ہے کہ پاکستان اور پوری دنیا میں گوگل ایڈسینس سے آمدنی کا کیا طریقہ کار ہے۔
انٹرنیٹ پر دکھائے جانے والے یہ اشتہارات ان مشتہرین (ایڈورٹائزر) کی طرف سے بنائے اور ادا کیے جاتے ہیں جو ممکنہ طور پر گاہکوں تک رسائی حاصل کرنا چاہتے ہیں۔
ویب سائٹ کی رپورٹ کے مطابق جب کوئی وزیٹر کسی اشتہار پر کلک کرتا ہے تو اس کے بعد ویب سائٹ کا مالک آمدنی سے اپنا حصہ وصول کرتا ہے۔
اگر آپ بھی انٹرنیٹ پر اپنی ویب سائٹ/بلاگ پر ایڈورٹائزنگ کے ذریعے آمدنی حاصل کرنے کے خواہشمند ہیں تو سب سے مؤثر اور آسان طریقہ یہ ہے کہ آپ گوگل کی ایڈسینس سروس حاصل کریں۔
گوگل ایڈسینس کیسے کام کرتا ہے؟
ایڈسینس استعمال کرنے کے لیے آپ کے پاس ایک ایسی ویب سائٹ یا بلاگ کا ہونا ضروری ہے جس میں اصل مواد موجود ہو اور جو گوگل کی پالیسیز اور قواعد و ضوابط پر پورا اترتا ہو۔
اکاؤنٹ کیسے بنایا جائے؟ :
گوگل ایڈسینس پر اکاؤنٹ تشکیل دینے کیلئے اس کی آفیشل ویب سائٹ پر جا کر اکاؤنٹ بنائیں اور اسکرین پر دی گئی ہدایات پر عمل کریں۔
اس کے بعد گوگل آپ کی ویب سائٹ کا جائزہ لے گا تاکہ اس بات کو یقینی بنایا جاسکے کہ یہ ویب سائٹ ان کے اصولوں کے عین مطابق ہے، اس مرحلے (پراسس) کو مکمل ہونے کیلئے چند روز لگ سکتے ہیں۔
ویب سائٹ کی منظوری کے بعد آپ کو کچھ کوڈز فراہم کیے جائیں گے جنہیں آپ اپنی ویب سائٹ پر اس جگہ ڈالیں گے جہاں آپ اشتہارات دکھانا چاہتے ہیں۔
گوگل آپ کی ویب سائٹ کے مواد اور وزیٹرز کی دلچسپی کے مطابق اسکرین پر متعلقہ اشتہارات دکھائے گا۔
آمدنی کیسے ہوگی؟
آپ کو گوگل ایڈسینس سے اس وقت آمدنی ہونا شروع ہوگی جب کوئی وزیٹر اشتہار پر کلک کرے گا، آپ کی آمدنی کا انحصار اشتہار کی جگہ، کلک کی شرح (سی ٹی آر) اور مشتہرین کی بولی (بڈز) پر منحصر ہوتا ہے۔
آمدنی میں اضافے کیلیے کیا کرنا ضروری ہے؟
گوگل ایڈسینس پروگرام میں ویسے تو ہر کوئی شامل ہوسکتا ہے لیکن اس پروگرام میں کامیابی صرف ان ہی افراد کو ملتی ہے جو انٹرنیٹ پر لوگوں کیلئے مفید سرگرمیاں اور دلچسپ مواد فراہم کرتے ہیں۔
اس کی اہم وجہ یہ ہے کہ اس میں کامیابی کا جملہ انحصار اس بات پر ہے کہ آپ کی ویب سائٹ یا بلاگ کو کتنے لوگ وزٹ کرتے ہیں۔
لوگ ایسی ہی ویب سائٹس اور بلاگز پر بار بار آتے ہیں جن میں دلچسپ اور تازہ ترین مواد ہر وقت موجود رہتا ہے۔
اپنی ویب سائٹ پر صارفین کو زیادہ سے زیادہ متوجہ کرنے اور انہیں متحرک رکھنے کے لیے اپنی ویڈیو میں قیمتی اور اصل مواد پیش کریں۔
اشتہارات کی پلیسمنٹ یعنی ویڈیو میں ان کی مقررہ جگہ کا تعین اور مختلف فارمیٹس آزما کر دیکھیں کہ آپ کی ویب سائٹ کے لیے کیا چیز بہتر کام کرتی ہے۔
یوزر ایکسپیریئنس بہتر بناتے ہوئے اس بات کو یقینی بنائیں کہ آپ کی ویب سائٹ آسانی سے نیویگیٹ کی جاسکے اور صارفین کو مثبت تجربہ فراہم کرے۔
اس کے ساتھ اپنی کارکردگی پر غور کرنے کیلئے ایڈسینس رپورٹس کا باقاعدہ جائزہ لیں تاکہ آپ بہتری کے مزید مواقع تلاش کر سکیں۔ اکاؤنٹ کی معطلی سے بچنے کے لیے گوگل کی پالیسیوں پر سختی سے عمل پیرا ہوں۔
ان پہلوؤں پر خصوصی نظر رکھیں
ویب سائٹ مالکان اشتہارات کے ذریعے زیادہ سے زیادہ پیسہ کمانے کے بجائے یوزر ایکسپیریئنس کو اہمیت دیں، کیونکہ دخل اندازی کرنے والے یا غیر متعلقہ اشتہارات آپ کی ویڈیو پر صارفین کی دلچسپی کو کم کرسکتے ہیں۔
ویب سائٹ کی کوالٹی : ایک معیاری اور قیمتی مواد والی ویب سائٹ بنائیں۔ جیسے جیسے آپ کی ویب سائٹ ترقی کرے گی، ایڈسینس آمدنی میں بھی از خود اضافہ ہوگا۔
ویڈیو یا بلاگ شیئر کرنے کے بعد جلد بازی کے بجائے صبر و استقامت سے کام لیں کیونکہ ایک کامیاب ایڈسینس پروگرام تیار کرنے میں وقت اور محنت درکار ہوتی ہے۔
یاد رکھیں کہ گوگل ایڈسینس آپ کی ویب سائٹ کو مونیٹائز کرنے اور آمدنی پیدا کرنے کا ایک مؤثر ترین اور بیش قیمت ذریعہ ثابت ہو سکتا ہے۔
واضح رہے کہ جب آپ کا چینل ویب سائٹ یا مونیٹائز ہوجاتا ہے تو آپ کی مونیٹائز ہونے والے پلیٹ فارم یعنی چینل وغیرہ پر اشتہارات چلنے لگ جاتے ہیں، جن کے چلنے پر آپ کو ایک مناسب رقم فراہم کی جاتی ہے۔
