ٹیکنالوجی کمپنی گوگل نے پلے اسٹورز سے 13 ایپلی کیشنز کو ہٹا دیا ہے جس کی وجہ ان ایپس کا انتہائی نقصان دہ وائرس بنا ہے۔
غیر ملکی میڈیا رپورٹ کے مطابق سیکیورٹی کمپنی میکیفی کے ماہرین کی جانب سے پلے اسٹور پر موجود 13 ایپس پر انتہائی نقصان دہ وائرس کی نشاندہی کی تھی جس کے بعد گوگل نے فوری اقدام کرتے ہوئے مذکورہ ایپس کو وہاں سے ہٹا دیا ہے۔
اس حوالے سے ماہرین کا کہنا ہے کہ ایپلی کیشنز میں موجود یہ وائرس اتنا خطرناک ہے کہ ڈیوائس میں ایپ کے انسٹال ہونے کے بعد سائبر حملہ آور صارفین کی ڈیوائس کا کنٹرول سنبھالتے ہوئے بہت سی چیزوں تک رسائی حاصل کر سکتے ہیں اور صرف اتنا ہی نہیں بلکہ رسائی حاصل کرنے کے بعد ہیکر صارف کے علم میں آئے بغیر ڈیوائس میں اسپائی ویئر یا پیسے چُرانے والے بینکنگ ٹروجن سے شامل کر سکتے ہیں۔
رپورٹ کے مطابق یہ بگ اتنا شاطر ہے کہ ہیکرز کو اسکرین پر موجود ایپس کو چھپانے کی صلاحیت بھی دیتا ہے جس کی وجہ سے صارف یہ نہیں دیکھ سکتا کہ فون کو سست کرنے والے ایڈویئر کو انسٹال کیا جارہا ہے۔
مکیفی نے مجموعی طور پر25 ایپلی کیشنز میں اس نقصان دہ وائرس کی نشان دہی کی تصدیق کی تھی جس میں 13 گوگل کے پلے اسٹور پر موجود تھیں اور 3 لاکھ سے زائد افراد ان ایپس کو ڈاؤن لوڈ اور انسٹال کر چکے ہیں۔ میکیفی کے مطابق زیادہ تر ڈاؤن لوڈ امریکا، برطانیہ، برازیل، اسپین اور جرمنی میں کی گئیں ہیں۔
گوگل پلے اسٹورز سے جو 13 ایپلی کیشنز ہٹائی گئی ہیں وہ یہ ہیں۔
Essential Horoscope for Android – 100,000 ڈاؤن لوڈ
3D Skin Editor for PE Minecraft – 100,000 ڈاؤن لوڈ
Logo Maker Pro – 100,000 ڈاؤن لوڈ
Auto Click Repeater – 10,000 ڈاؤن لوڈ
Count Easy Calorie Calculator : 10,000 ڈاؤن لوڈ
Sound Volume Extender – 5,000 ڈاؤن لوڈ
LetterLink – 1,000 ڈاؤن لوڈ
NUMEROLOGY ؛ : PERSONAL HOROSCOPE &NUMBER PREDICTIONS : 1,000 ڈاؤن لوڈ
Step Keeper: Easy Pedometer – 500 ڈاؤن لوڈ
Track Your Sleep – 500 ڈاؤن لوڈ
Sound Volume Booster – 100 ڈاؤن لوڈ
Astrological Navigator: Daily Horoscope & Tarot – 100 ڈاؤن لوڈ
Universal Calculator – 100 ڈاؤن لوڈ
