اسلام آباد: وفاقی حکومت نے سوئی سدرن کا نیا بورڈ تشکیل دینے کی منظوری دیدی ہے، ذرائع کے مطابق ڈاکٹر شمشاد اختر ایس ایس جی سی بورڈ کی چیئرپرسن ہوں گی۔
ذرائع کا کہنا ہے کہ وفاقی کابینہ سے سرکولیشن سمری پر منظوری لے لی گئی، سوئی سدرن بورڈ ارکان میں خالد رحمان، محمد اکرم جبکہ بورڈ میں عمرظفر اللہ،صاحبزادہ رفات رؤف علی،رضوان اللہ خان شامل ہیں۔
سوئی سدرن بورڈ میں طحہ احمدخان بطور رکن شامل ہوں گے، ایس ایس جی سی ایل کا نیا بورڈ 3 سال کیلئے ہوگا۔
- Advertisement -
دوسری جانب حکومت نے جاتے جاتے چیئرمین نیپرا کیلئے وسیم مختار کے نام کو حتمی شکل دے دی، چیئرمین نیپرا کی منظوری آج دیئے جانے کا امکان ہے۔
ذرائع کے مطابق وسیم مختار پیپکو اور سینٹرل پاور پرچیزنگ ایجنسی کے ایم ڈی بھی رہ چکے ہیں، چیئرمین نیپراکی تعیناتی کیلئے سلیکشن کمیٹی نے وسیم مختارکوسر فہرست رکھا ہے۔
